Наша газета - "Перамога"!



Конкурс "Лянок"

На базе Дзятлаўскай дзіцячай школы мастацтваў адбыўся V рэгіянальны конкурс беларускай творчасці "Лянок".



Наваельнянскай школе - 50

Свой паўвекавы юбілей з дня пераходу ў новы будынак адзначыла Наваельнянская сярэдняя школа

У ліку гасцей свята былі старшыня раённага Савета дэпутатаў (ранейшы дырэктар школы) А. Бараноўскі, намеснік начальніка аддзела адукацыі, спорту і турызму райвыканкама А. Жадзейка, старшыня Наваельнянскага сельвыканкама I. Кунахавец, настаяцель царквы Нараджэння Прасвятой Багародзіцы гарпасёлка Наваельня айцец Валерый Мануйла, мясцовыя жыхары, былыя вучні, прадстаўнікі арганізацый і прадпрыемстваў.

У фае школы гасцей вітаў Наваельнянскі духавы аркестр. У актавай зале можна было паглядзець сценгазеты з архіўнымі і сучаснымі фотаздымкамі з жыцця школы.



Што такое ЗАГС

Патлумачыць, расказаць, паказаць работу ЗАГСа вучням Казлоўшчынскай школы паспрабавалі работнікі гэтай установы Вольга Бародзіч і Святлана Вінакурава. У іх атрымалася.

— Паняцце ЗАГС у вас асацыіруецца з месцам, дзе рэгіструюцца шлюбы: вясельны марш, віншаванне маладых, букеты кветак, пырскі шампанскага... Гэта так. Але ў аддзеле запісу актаў грамадзянскага стану — ЗАГСе многа іншай, будзённай працы, не менш важнай, патрэбнай людзям, — ратлумачыла вучням начальнік аддзела ЗАГС Вольга Бародзіч. — Па самыя неабходныя, асноўныя дакументы людзі звяртаюцца менавіта сюды. У ЗАГСе не толькі рэгіструем шлюбы, але і выдаём пасведчанні пра нараджэнне дзіцяці. Сюды людзі звяртаюцца па пытаннях усынаўлення, устанаўлення бацькоўства, скасавання шлюбу, перамены прозвішча, імя, імя па бацьку і, урэшце, па пасведчанне аб смерці блізкіх. Можна сказаць, што ЗАГС вядзе па жыцці кожнага чалавека, скрупулёзна запісваючы кожны этап яго жыцця.



Брава, музЫка!

Пра жыццё і музыку Івана Конана

Вайна застала Івана Конана на хутары пад Хвінявічамі. Мабілізаваць яго ў Чырвоную Армію не паспелі, а можа проста не глянуўся ён чырвоным камандзірам. Хоць і стукнула хлопцу 19 гадкоў, але расточку невялікага, худзенькі. Атрымалася зусім як у зухаватай некалі песні: «...без тебя большевики обойдутся". А вось новая нямецкая ўлада не абышлася: i паехалі браты Конаны — Іван ды Грыша — у дашчатым грузавым вагоне эканамічна мацаваць трэці рэйх. Мабілізавалі іх, і не толькі іх, у хвінявіцкім наваколлі, на прымусовую працу ў Германію.Прывезлі ў Саксонію.



Шашачны турнір у Дзятлаве

У Цэнтры сацыяльнага абслугоўвання насельніцтва Дзятлаўскага раёна адбыўся аматарскі турнір па шашках. Удзельнікі — гэта наведвальнікі аддзялення дзённага знаходжання інвалідаў "Праменьчык" і раённай арганізацыі Беларускага таварыства інвалідаў па зроку. Мерапрыемства ўжо стала традыцыйным і праходзіць штогод некалькі гадоў запар.

Для ўдзелу заявіліся 10 жадаючых. Яны, згодна з правіламі турніру, павінны былі згуляць па 9 партый. Мікалай Венславоўскі, суддзя спаборніцтваў, правёў жараб'ёўку, каб вызначыць пару кожнаму ўдзельніку. Далей гульня ішла па кругавой сістэме. Усе ўдзельнікі годна паказалі сябе за шашачнай гульнёй і атрымалі невялікія грашовыя ўзнагароджанні. Пераможцамі сталі Канстанцін Дораш, Уладзімір Нічыпар і Іўліянія Шах, якія адпаведна занялі першае, другое і трэцяе месцы. Яны дадаткова ўзнагароджаны дыпломамі, a пазней адправяцца на абласныя спаборніцтвы.



М. Лянцэвіч: "Шукаем новыя рашэнні"

Нядаўна Дзятлаўскі філіял Гродзенскага аблспажыўтаварыства ўзначаліў Мікалай Пятровіч Лянцэвіч. Напярэдадні юбілею спажывецкай кааперацыі карэспандэнтка газеты цікавілася ў новага кіраўніка пра рабочыя планы.

— Мікалай Пятровіч, вы ўзначалілі адну з буйнейшых арганізацый раёна. На якія накірункі ў рабоце збіраецеся звяртаць асаблівую ўвагу?
— Лічу, што акцэнт неабходна зрабіць на такія пытанні, як павышэнне якасці абслугоўвання людзей, забеспячэнне закупу ў насельніцтва лішкаў сельскагаспадарчай і дзікарослай прадукцыі, мадэрнізацыю кааператыўных прадпрыемстваў, нарошчванне экспарту тавараў і паслугаў. Важнае патрабаванне часу — атрымліваць і мець у наяўнасці ў гандлёвай сетцы тавары айчынных вытворцаў, у тым ліку вырабляць іх пад уласнай маркай і рэалізоўваць па канкурэнтных цэнах.



Лёс, як сторонка гісторыі

Сёлета спажывецкая кааперацыя Рэспублікі Беларусь адзначае свой 100-гадовы юбілей.

Роўна стагоддзе задавальняе патрэбы спажыўцоў самая буйная гандлёвая сетка краіны. Праўда, у Заходняй Беларусі, у сувязі з вядомымі гістарычнымі падзеямі, яна пачала функцыянаваць крыху пазней.



Захавальніцы народных традыцый

Летась фальклорнаму гурту вёскі Ахонава споўнілася трыццаць гадоў. А сёлета калектыў чарговы раз пацвердзіў высокае званне "Народны аматарскі калектыў", якое носіць на працягу двух дзесяцігоддзяў. На працягу дзейнасці гурта яго ўдзельніцы, жанчыны-спявачкі, не толькі захоўваюць і спяваюць песні, якія спявалі іх маці і бабулі, але і праводзяць народныя абрады, характэрныя для гэтай мясцовасці. Адзін з іх, Юр'я, занесены ў спіс нематэрыяльных каштоўнасцяў Беларусі.

Ля вытокаў народнай песні

Народны фальклорны гурт вёскі Ахонава — адзін са старэйшых на Дзятлаўшчыне. У 1986 годзе па прапанове Веры Віктараўны Калач, якая на той час быпа загадчыцай участка ў калгасе "Беларусь", мясцовыя жанчыны стварылі песенны калектыў, узнікненне якога было натуральным, лагічным. Па тым часе ў вёсцы песня была часткай жыцця і побыту. Спявалі вельмі часта: палявыя работы, каляндарныя падзеі, святы суправаджаліся песнямі. Галоўным натхняльнікам правядзення абрадаў былі самі мясцовыя жыхары: без напаміну, спантанна ці ў вызначаны час аднавяскоўцы збіраліся, каб правесці традыцыйную дзею.



Парушальнікі атрымалі штрафы

На чарговым пасяджэнні кaмicii па справах непаўналетніх райвыканкама былі разгледжаны два адміністрацыйныя пратаколы, па якіх вынесены адпаведныя рашэнні.

Ехаў "зайцам"

Непаўналетні жыхар нашага раёна, які цяпер вучыцца ў Лідзе, вырашыў пад'ехаць адзін прыпынак на гарадскім трансларце без білета. Планы хлопца парушылі кантралёры. Яны склалі на безбілетніка адміністрацыйны пратакол.



Шлях у 90 гадоў

Свой 90-ы дзень нараджэння адсвяткавала Еўдакія Рыгораўна Улога, выдатніца народнай асветы Беларусі, уладальніца шэрагу Ганаровых граматаў Міністэрства адукацыі БССР, абласнога і раённага выканаўчых камітэтаў. 3 адметнай датай юбілярку віншавалі не толькі родныя, але і былыя калегі, вучні.

Кветкі, падарункі, віншаванні для Еўдакіі Рыгораўны падрыхтавалі начальнік аддзела адукацыі, спорту і турызму Дзятлаўскага райвыканкама Н.С.Белаус намеснік старшыні галіновай ветэранскай арганізацыі Я. Р. Савань, дырэктар Хвінявіцкага дзіцячага сада-сярэдняй школы М. А. Доўгач, педагогі М. І. Шоцік, В. М. Саўчанкава, Л. Я. Трубчанкава.



За здоровую будучыню

У актавай зале гімназіі №1 горада Дзятлава ў фармаце адкрытага дыялогу прайшла сустрэча навучэнцаў старэйшых класаў "Моладзь Дзятлаўшчыны выбірае здаровую будучыню", скіраваная на барацьбу з наркотыкамі і нарказалежнасцю.

Мерапрыемства было арганізавана з ініцыятывы раённага камітэта ГА "БРСМ". Удзел у ім прымалі доктар-нарколаг Дзятлаўскай цэнтральнай раённай бальніцы К. Якімчык, оперупаўнаважаны групы наркакантролю і супрацьдзеяння гандлю людзьмі АУС Дзятлаўскага райвыканкама В. Бароўскі, фельчар-валеолаг Дзятлаўскага райЦГЭ Н. Юрэня.



"Сэрца аддаю дзяцям"

Пад такой назвай на Дзятлаўшчыне прайшоў раённы фестываль замяшчальных сем'яў. У актавай зале гімназіі №1 горада Дзятлава сустрэліся 7 прыёмных сем'яў і прадстаўнікі двух дзіцячых дамоў сямейнага тыпу, каб паказаць сваю творчасць, падзяліцца прафесійным майстэрствам, расказачь пра сямейныя традыцыі і дасягненні.

Прыёмных бацькоў, бацькоў-выхавальнікаў, іх дзяцей павітала начальнік аддзела адўкацыі, спорту і турызму райвыканкама Н. Белаус. Наталля Сяргееўна падзякавала прыёмным бацькам за іх нераўнадушныя сэрцы, клопат і любоў да дзяцей, за тое, што, дзякуючы іх намаганням, для многіх хлопчыкаў і дзяўчынак словы "мамам і "тата" загучалі па-новаму.



"Шчасце дзяцей у нашых руках"

Гэта думка праходзіць лейтматывам праз усё жыццё шматдзетнай матулі Марыны Генадзьеўны Шэлег. Яна нарадзіла сем сваіх дзяцей, двое з якіх ужо маюць уласныя сем'і. А ў снежні 2014 года Аляксандр Леанідавіч і Марына Генадзьеўна Шэлегі сталі
бацькамі-выхавальнікамі дзіцячага дома сямейнага тыпу, які адкрыўся ў Дзятлаве. Цяпер яны, акрамя пяці родных, гадуюць яшчэ пяць дзяцей, якія засталіся без апекі бацькоў.

У 2007 годзе Марына Генадзьеўна Шэлег была ўзнагароджана ордэнам Маці, а 18 сакавіка гэтага года прыняла ўдзел у цырымоніі ўзнагароджання па вышках рэспубліканскага конкурсу грамадскага аб'яднання "Беларускі саюз жанчын" - "Жанчына года-2016". Пераможца конкурсу сталі 44 жанчыны з розных рэгіёнаў нашай краіны. Марына Генадзьеўна была адзначана дыпломам пераможцы ў намінацыі "За выхаванне дзяцей і моладзі".



М.Юркевіч: "Каммунальнікі заўжды на вахце"

Прафесійнае свята работнікаў жыллёва-камунальнай гаспадаркі - нагода ўзважыць здабыткі працы і ўзнагародзіць лепшых работнікаў. Сёлета ў ліку перадавікоў, адзначаных дзяржаўнымі ўзнагародамі, машыніст экскаватара участка транспарту Дзятлаўскага РУП ЖКГ Мікалай Юркевіч. За шматгадовую пленную працу ён удастоены Ганаровай граматы Упраўлення жыллёва-камунальнай гаспадаркі Гродзенскага аблвыканкама.

Сам Мікалай Юркевіч пра адзнакі і ўзнагароды гаварыць не любіць, а вось аб працы расказвае ахвотна. Сучасным камунальнікам бесклапотна сядзець не выпадае, а сам машыніст заняты адразу на двух участках працы: сумяшчае абавязкі экскаватаршчыка і машыніста пагрузчыка.



Як на сонца і вецер "палююць"

Дыплом Міжнароднага конкурсу "SPARE" "Энергія і асяроддзе", дыплом Дэпартамента па энергаэфектыўнасці Рэспублікі Беларусь, Ганаровая грамата Міністэрства адукацыі Рэспублікі Беларусь, шматлікія ганаровыя граматы, кубкі, знакі, медалі, дыпломы — гэта ўзнагароды настаўніцы сярэдняй школы №1 горада Дзятлава Ірыны Уладзіміраўны Дарафейчык. Разам са сваімі вучнямі яна чатыры гады запар "палюе" на сонца і вецер, каб атрымаць іх прыродную энергію на карысць людзям. Як гэта адбываецца? Якія прыстасаванні для атрымання цеплавой, светлавой, электрычнай энергіі сканструявалі настаўніца і яе вучні? Як іх работы ацанілі энергетыкі і навукоўцы? Пра гэта і іншае карэспандэнтка газеты "Перамога" пацікавілася ў і. Дарафейчык.

— Ірына Уладзіміраўна, з чаго ўсё пачыналася?
— У 2013 годзе мне прапанавалі паўдзельнічаць у конкурсе "Энергамарафон". Тады і з'явіліся ідэі, якія мы паспрабавалі ажыццявіць. 3 вучнямі Аляксандрам Пацыновічам і Вадзімам Багдзялём распрацавалі праект "Альтэрнатыўныя крыніцы святла і цяпла". Работа была паспяховая. 3 ёй перамаглі на абласным і рэспубліканскім этапах конкурсу "Энергамарафон-2013".

Источник: Дятловская районная газета "Перамога" и интернет-портал http://diatlovonews.by/