Наша газета - "Перамога"!



Талент + Праца = Поспех

Гэта ўсім вядомая формула дасягнення мэты спраўджваецца толькі тады, калі ў камандзе працуюць інтэлект і жаданне дзіцяці, прафесіяналізм і цярпенне настаўніка і ўдача, без якой, на жаль, таксама не абысціся. А калі ўсё спрацавала на выдатна, мы гаворым—МАЛАЙЦЫ!

Так, малайцы, бо цяжка не назваць гэтым словам тых, хто, не лічачы ні свайго часу, ні сіл, крок за крокам ішоў да дасягнення мэты. Першая прыступка лесвіцы поспеху была ўзята ўжо ў мінулым навучальным годзе, калі Маша Старыкава, вучаніца дзясятага класа Дзятлаўскай гімназіі, атрымала дыплом 3 ступені на абласной алімпіядзе па англійскай мове. Тады яна зразумела, наколькі няпроста выступаць на такім узроўні, як абласная алімпіяда, як шмат старання і цярпення трэба мець, каб атрымаць дыплом. А яшчэ паверыла ў свае сілы і паставіла новую мэту — не здаваць пазіцыі, зрабіць усё магчымае, каб мець дыплом і ў адзінаццатым класе. Помніла, што на яе спадзяваюцца мама, Вольга Міхайлаўна, сястра Даша, настаўнікі Інэса Уладзіміраўна Зубрыліна і Тэрэза Феліксаўна Кіслая, і, безумоўна, уся гімназія. I спадзяванні гэтыя апраўдаліся. Сёлета Маша прыехала з абласной алімпіяды з дыпломам другой ступені.



Прыём вядуць юрысты: кожную апошнюю пятніцу ў раённай бібліятэцы

Згодна з Пастановай Міністэрства юс-тыцыі Рэспублікі Беларусь ад 11 снежня 2007 года № 86 са зменамі ад 14 жніўня 2008 № 47 бясплатная юрыдычная дапамога аказваецца істцам у судах першай інстанцыі пры вядзенні справаў, звязаных з працоўнымі адносінамі, аб спагнанні аліментаў, аб кампенсацыі шкоды, нанесенай калецтвам, звязаным з працай, аб кампенсацыі шкоды, прычыненай смерцю кармільца.

Таксама бясплатная юрыдычная дапамога аказваецца дзецям у іх інтарэсах, іх бацькам (апекунам, папячыцелям) у інтарэсах дзяцей пры дачы кансультацый, састаўленні прававых дакументаў аб узбуджэнні справаў у судах, а таксама ў судах першай інстанцыі пры вядзенні справаў, звязаных з працоўнымі адносінамі, аб спагнанні аліментаў, аб кампенсацыі шкоды, прычыненай пагаршэннем здароўя, звязаным з работай.



Патрэба ў духоўнай падтрымцы

Вось ужо год пры Спаса-Прэабражэнскім храме горада Дзятлава дзейнічае сястрынства ў гонар святой Ксеніі Пецярбуржскай. У яго ўваходзіць 20 жанчын на чале з Аленай Міхайлаўнай Лукіянец.

Мэта дзейнасці сястрынства — справы міласэрнасці. Сёстры наведваюць раённую бальніцу, рыхтуюць хворых да споведзі і прычашчэння, пажылых людзей, людзей з абмежаванымі магчымасцямі. Увогуле, іх прызванне — дапамагаць тым, хто мае патрэбу ў духоўнай паДтрымцы, каму неабходна суцяшэнне.

10 лютага сёстры разам з настаяцелем храма Прэабражэння Гасподня горада Дзятлава Мікалаем Пінчуком прыйшлі ў аддзяленне "Праменьчык" для людзей з абмежаванымі магчымасцямі, якое дзейнічае пры Цэнтры сацыяльнага абслугоўвання насельніцтва Дзятлаўскага раёна. Гэтая сустрэча адбылася якраз напярэдадні аднаго з праваслаўных святаў — Стрэчання Гасподняга.



Завяршылася дабрачынная акцыя

У цэнтры сацыяльнага абслугоўвання насельніцтва Дзятлаўскага раёна завяршылася дабрачынная акцыя, якую праводзілі работнікі аддзялення сацыяльнай адаптацыі і рэабілітацыі сумесна з царквой ЕХБ.

Акцыя доўжылася месяц. У час яе падарункі атрымалі 70 дзяцей з сем'яў, якія знаходзяцца ў сацыяльна-небяспечным становішчы, якія выхоўваюць дзіця-інваліда. Таксама падарункі атрымалі дзеці-сіроты.



"Мая песня - у маім сэрцы"

Пад такой назвай сёлета праходзіць фестываль патрыятычнай песні, раённы этап якога адбыўся 12 лютага. Удзел у ім прынялі 15 вучняў школ Дзятлаўшчыны.

У намінацыі "Саліст" перамагла прадстаўніца Гезгалаўскай гімназіі Ірына Гапоненка.

У намінацыі "Вакальная група" першае месца заняў калектыў СШ №3 г. Дзятлава ў складзе Таццяны Ламака, Наталлі Павачка і Алесі Надзён.



Каралева кухні

У сталовай "Жамчужына" працуе поварам Ганна Міхайлаўна Белавус — жанчына, якая добра ведае,
як прыгатаваць шмат смачнай ежы, уклаўшы ў яе кавалачак душы і кропельку любові да людзей.

Нарадзілася Ганна Міхайлаўна ў вёсцы Курпяшы. Маці Ганны працавала ў калгасе, бацька — на прадпрыемстве "Гроднамэбля" сталяром. Яшчэ ў Ганны Міхайлаўны ёсць брат і сястра.

Вучылася ў школе №2 г. Дзятлава. У 1973 годзе, скончыўшы школу, паступіла ў школу павароў, што раней была ў Дзятлаве. За шэсць месяцаў вучобы старанная вучаніца атрымлівала толькі адны пяцёркі, і пасля заканчэння вучобы атрымала IV разрад па прафесіі повара — самы высокі разрад па заканчэнні гэтай школы.



Банкіры выйшлі на лыжню

I хоць надвор'е ў суботу, 5-га лютага, было не зусім "лыжнае" — плюсавая тэмпература, пахмурнае неба з перспектываю дажджу, — работнікаў дзятлаўскага філіяла "Беларусбанка" яно не збянтэжыла. Пад 11 гадзін, як і дамовіліся, яны сабраліся на беразе дзятлаўскага верхняга возера. Прыйшлі з сем'ямі і лыжамі.

Першыя стартавалі ў лыжнай гонцы дзеці. I ўсе, незалежна ад выніку, былі адзначаны прызамі — за спартыўнасць характару. Потым старт быў дадзены дарослым. Яны стараліся з усіх наяўных сіл — за гонар аддзела, сям'і. А за лыжнікаў, не шкадуючы далоняў і галасавых звязак, — стараліся іх балельшчыкі. Былі на лыжні лідары, былі аўтсайдэра, а ў агульным заліку перамагла дружба.



Біятлон

У спецыялізаваным комплексе "Сялец" у Навагрудскім раёне прайшло першынство БФСТ "Дынама" па біятлону, прысвечанае памяці супрацоўнікаў дзяржбяспекі, якія загінулі пры выкананні службовых абавязкаў.

На працягу трох дзён увага аматараў спорту была прыцягнута да таго, што адбываецца на трасе. Мяркуючы па запале, па настойлівасці, з якімі ўдзельнікі спаборніцтваў ішлі да перамогі, па колькасці гледачоу і групах падтрымкі, можна сказаць, што гэты яркі, відовішчны від спорту імкліва набірае папулярнасць сярод моладзі. На старты ў гэты раз выйшлі юнакі і дзяўчаты 1992-1993, 1994-1995 і 1990-1991 гадоў нараджэння, якія прадстаўлялі зборныя каманды з усіх рэгіёнаў рэспублікі.



Меры сацыяльнай абароны ветэранаў баявых дзеянняў на тэрыторыі іншых дзяржаў

Якую дапамогу павінны атрымліваць ветэраны, якія прымалі ўдзел у баявых дзеяннях на тэрыторыі іншых дзяржаў? Гэта пытанне актуальнае ў многіх краінах свету. Нават у такой эканамічна развітай дзяржаве як ЗША, дапамога ветэранам не на самым высокім узроўні, а спрэчкі аб аб'ёме ветэранскіх ільгот не сціхаюць асабліва зараз.

Беларусь не з'яўляецца выключэннем. У сродкі масавай інфармацыі прыходзяць звязаныя з тэмай ільгот лісты воінаў-інтэрнацыяналістаў. Аналіз гэтай пошты паказвае, што людзі часам і не здагадваюцца аб тым, на што яны маюць права. Нярэдкія выпадкі, калі прадстаўнікі дэструктыўнай апазіцыі на Інтэрнэт-сайтах незарэгістраваных арганізацый з мэтай дэстабілізацыі сітуацыі ў грамадстве наўмысна скажаюць інфармацыю аб ільготах "афганцаў".



Абласны семінар-вучоба

У Парэцкім сельсавеце прайшлі выязныя практычныя заняткі кіраўнікоў справамі райвыканкамаў Гродзеншчыны. У іх удзельнічалі 30 спецыялістаў.

У Парэцкім сельсавеце ўдзельнікі абласнога семінара-вучобы знаёміліся з вопытам сумеснай работы сельвыканкама са старастамі вёсак, усімі зацікаўленымі службамі. Да ўвагі кіраўнікоў справамі былі прадстаўлены відэафільмы з каментарыямі старшыні сельвыканкама А. Ядэйкі.



Яны ведаюць цану баявога вопыту і братэрства

Кожны час нараджае сваіх герояў. Там, на далёкай афганскай вайне вельмі цесна спляліся ў сваёй рэчаіснасці паняцці "лакальнага канфлікту" і "невычэрпнай вернасці абавязку". Сто трыццаць хлопцаў з Дзятлаўшчыны сталі дарослымі ў адзін дзень. Яшчэ непасівелыя маці аплаквалі долю сваіх сыночкаў. I ніхто не мог адказаць на пытанне, калі скончыцца гэта ўсеагульная бяда. Не верыцца, што дваццаць два гады мінула з той пары, калі была пастаўлена кропка ў афганскай вайне, якая доўжылася дзевяць год, адзін месяц і васемнаццаць дзён.

Словамі павагі да тых, хто прымаў удзел у баявых дзеяннях на паўднёвых межах, распачаў марознай раніцаю 15 лютага традыцыйны мітынг у Дзятлаве, прысвечаны Дню памяці воінаў-інтэрнацыяналістаў, старшыня Дзятлаўскага райвыканкама Іван Крахмальчык.



Шахматы. Чэмпіянат раена

Дуэт лідараў чэмпіянату раёна па шахматах у складзе Андрэя Ранцэвіча і Андрэя Лявончыка адрываецца ад пагоні.

Доўжыцца раённае шахматнае першынство. На старце турніра лідарства захапіў Андрэй Ранцэвіч.

Пасля чатырох тураў яго дагнаў Андрэй Лявончык. У пагоню за дуэтам лідараў, адстаючы на палову ачка, выправіўся таксама дуэт — Яўген Кананкоў і Аляксандр Масляк. Далей — шахматны пелатон з адставаннем на ачко-паўтара ачка і жаданнем кампенсаваць не самы ўдалы старт.



Радасць сустрэчы праз гады

Нядаўна ў сярэдняй школе № 1 г. Дзятлава адбыўся вечар-сустрэча з выпускнікамі. На яго сабраліся як нядаўнія выпускнікі гэтай установы адукацыі, так і тыя, якія скончылі яе 20, 30, 40 гадоў таму.

Дзякуючы цікавай праграме, былыя вучні школы атрымалі магчымасць на нейкі час вярнуцца назад, у шчаслівую школьную пару, прыгадаць яе яскравыя падзеі, падзякаваць настаўнікам, пакінуць свае пажаданні цяперашнім школьнікам.



Аб дэмаграфічнай сітуацыі ў Дзятлаўскім раене

На 1 студзеня 2011 года колькасць насельніцтва раёна з улікам вынікаў перапісу насельніцтва 2009 года склала 28,6 тысячы чалавек.



Парадак пры дарогах

Чарговы рэйд-праверка санітарнага стану прыдарожных палос і месцаў адпачынку быў праведзены Дзятлаўскай раённай інспекцыяй прыродных рэсурсаў і аховы навакольнага асяроддзя сумесна з рэдакцыяй газеты "Перамога".

8 лютага мы выехалі на некаторыя з месцаў прыдарожнага адпачынку. Зараз, у час моцнай адлігі, калі амаль не засталося снегу, агаляецца і зямля, і асфальт, і смецце на ім. Але на гэты раз стан прыдарожных палос і месцаў адпачынку на здзіўленне задаволіў: амаль усюды было прыбрана і чыста.

Пляцоўка для адпачынку "Мядзвінавічы", што знаходзіцца недалёка ад вёскі Вензавец, парадавала працуючай калонкай, прыораным прыпынкам і туалетам.

Источник: Дятловская районная газета "Перамога" и интернет-портал http://diatlovonews.by/