Наша газета - "Перамога"!



Людская ініцыятыва

Адным з галоўных накірункаў дзейнасці Данілавіцкага сельскага выканаўчага камітэта з'яўляецца арганізацыя работы па добраўпарадкаванні населеных пунктаў і навядзенні парадку на тэрыторыі сельсавета. Радуе, што і жыхары мясцовых вёсак разумеюць значнасць гэтай справы.

Так, з ініцыятывы жыхароў вёскі Уланаўшчына тут быў праведзены суботнік. Работнікі зялёнага будаўніцтва сельвыканкама, вяскоўцы і дачнікі навялі парадак на тэрыторыі каля мясцовага возера, якое знаходзіцца ў цэнтры вёскі. Тут было высечана дзікае кустоўе і спілаваны аварыйныя дрэвы. За актыўны ўдзел у суботніку варта падзякаваць С А. Пруцік і А. Ф. Пруцік, А. I. Баброўскай, Т. У. Аблажэй, С. А. Баброўскай, Ч. В. Болтач, А. М. Мыслівец, I. Б. Шлык, I. М. Мазуру, Г. М. Ціхановіч, Я. В. Літвінскаму, П. I. Ціхановічу.



Гісторыя поспехоў ад педагогаў Дзятлаўшчыны

Ha Дзятлаўшчыне прайшло выязное пасяджэнне школы кіравання Кастрычніцкага раёна горада Гродна па тэме "Адукацыйная прастора рэгіёна як фактар паспяховай сацыялізацыі, грамадзянска-патрыятычнага і духоўна-маральнага выхавання асобы".

Першымі гасцей сустрэлі педагогі сярэдняй школы №1 горада Дзятлава. Удзельнікаў выязнога пасяджэння павіталі і ўручылі сувеніры дырэктар установы Аксана Міхайлаўна Пацыновіч і навучэнцы.

Начальнік аддзела адукацыі, спорту і турызму райвыканкама Наталля Сяргееўна Белаус расказала ўдзельнікам сустрэчы пра новыя тэндэнцыі ў развіцці сістэмы адукацыі Дзятлаўшчыны.



He маем права забыць

Ёсць падзеі, даты, імёны людзей, якія ўвайшлі ў гісторыю горада, краю, краіны і нават у гісторыю ўсёй планеты. Пра іх пішуць кнігі, складаюць вершы, музыку, здымаюць кіно. Галоўнае ж — пра іх памятаюць. I гэта памяць перадаецца з пакалення ў пакаленне, не дае адысці ў нябыт далёкім дням і падзеям. Адной з такіх падзеяў стала Вялікая Айчынная вайна 1941-1945 гадоў. Памяць пра яе павінен захаваць кожны.

Памяць вайны. Гэта боль, пе-ражыты народам за доўгія 1418 дзён. Гэта страты і ахвяры, гераічная барацьба не на жыццё, а на смерць, цяжкія дарогі выпрабаванняў. Памяць пра мінулае — гэта не проста ўласцівасць чалавечай свядомасці, здольнасць зберагчы след былога. Памяць - гэта злучальнае звяно паміж мінулым і будучым. Яна заклікае, пераконвае, папярэджвае, дае сілы і абуджае веру.



"Зарніца" паклікала на старт

Напярэдадні Дня Перамогі на Дзятлаўскім стадыёне "Колас" прайшла традыцыйная раённая патрыятычная ваенна-спартыўная гульня для школьнікаў "Зарніца". У ёй прынялі ўдзел вучні 13 школ Дзятлаўшчыны.

На ўрачыстым пастраенні гонар падняць сцяг выпаў мінулагоднім пераможцам — камандзе CШ №3 г. Дзятлава. Удзельнікаў павіталі, павіншавалі з надыходзячым Днём Перамогі, якому прысвечана гульня, і пажадалі шчаслівых стартаў начальнік групы тэрытарыяльнай абароны ваенкамата Дзятлаўскага раёна А. А. Бургун і намеснік начальніка аддзела адукацыі, спорту і турызму райвыканкама Д. К. Ёда.



Сям'я года-2017

Напярэд дні Дня сям'і, які адзначаецца 15 мая, Цэнтр сацыяльнага абслугоўвання насельніцтва Дзятлаўскага раёна правёў раённы этап конкурсу "Сям'я года-2017". Мерапрыемства праходзіла ў аграгарадку Гезгалы, у актавай зале Дома культуры. Удзел у ім прынялі тры мясцовыя шматдзетныя сям'і -Жыляніных, Аніскевічаў, Жыгалаў.



Ушанавалі памяць ахвяраў халакосту

30 красавіка прайшла акцыя памяці да 75-годдзя з дня гібелі яўрэяў Дзятлаўскага гета. У гэты дзень у 1942 годзе яны былі расстраляны нацыстамі ў лясным масіве на ўскраіне Дзятлава.



Крочым вуліцамі герояў

Mінулі гады з дня пераможнага завяршэння Вялікай Айчыннай вайны. Зямля залячыла нанесеныя ей раны. Але людзі помняць вайну. Неўміручая слава герояў, якія адстаялі свабоду і незалежнасць Айчыны. Яна жыве ў памяці народнай.



На сцэне гучалі "Мелодыі кахання"

1 мая ў Дзятлаўскім цэнтры культуры і народнай творчасці прайшоў раённы агляд-конкурс дзіцячай эстраднай творчасці "Мелодыі кахання". Канкурсанты пазмагаліся ў трох узроставых групах (5-8, 9-13 і 14-17 гадоў) у намінацыях "Саліст-вакаліст і "Ансамблі сучаснай харэаграфіі", "Вядучы пparрамы".

Удзельнікі конкурсу — наведвальнікі творчых аб'яднанняў, якія працуюць пры Вензавецкім, Данівавіцкім, Хвінявіцкім, Раклевіцкім,
Гезгалаўскім, Казлоўшчынскім, Наваельнянскім, Дварэцкім, Жукоўшчынскім дамах культуры Дзятлаўскага раёна і Цэнтры культуры горада Дзятлава.



Узнагароджаны лепшыя працаўнікі і школьнікі

1 мая, у Дзень працы, на галоўнай плошчы горада Дзятлава сертыфікаты аб занясенні на раённую Дошку гонару атрымалі лепшыя працаўнікі і калектывы раёна. Павіншаваў дзятлаўчан са Святам працы і ўручыў узнагароды старшыня Дзятлаўскага райвыканкама Аляксандр Дубовік.

На раённую Дошку гонару па выніках работы за 2016 год былі занесены фотаздымкі перадавікоў прамысловых і сельскагаспадарчых прадпрыемстваў, культуры, адукацыі, органаў мясцовага кіравання, арганізацый і службаў раёна.



Сябры з Галандыі наведалі Дзятлаўшчыну

Напярэдадні чарговай гадавіны катастрофы на Чарнобыльскай атамнай электрастанцыі Дзятлаўскі раён наведалі прадстаўнікі дабрачыннай арганізацыі "Дзеці Чарнобыля". У Беларусь яны прыязджаюць двойчы на год, гэта іх 39-ы візіт.

Муж і жонка Дан і Ханні Пландсоен, а таксама іх сябар Пім прыехалі з галандскага горада Капэла, каб аказаць дапамогу людзям, якія жывуць на тэрыторыі, забруджанай у выніку аварыі на ЧАЭС. У нашым раёне яны падтрымліваюць стасункі з Дварэцкім і Мяляхавіцкім сельсаветамі. Па традыцыі госці з Еўропы прыязджаюць на Дзятлаўшчыну з фінансавымі сродкамі, каб тут набыць мясцовыя харчовыя тавары і сфарміраваць пасылкі для адраснай дапамогі. Сёлета толькі на тэрыторыі згаданых сельскіх саветаў іх перадалі 120.



Дзесяць гадоў на сцэне

2017 год - знакавы для тэатральнай студыі "Мелодыя душы". Па-першае, сёлета калектыў пацвердзіў ганаровае званне "ўзорны", па-другое - адзначыў дзесяць гадоў свайго існавання. Карэспандэнтка газеты "Перамога" завітала на рэпетыцыю "Мелодыі душы", каб разам з юнымі артыстамі і рэжысёрам Іванам Каско ўзгадаць, з чаго ўсё пачыналася, і паслухаць тэатральныя навіны.

Па словах першага і нязменнага рэжысёра ўзорнай тэатральнай студыі "Мелодыя душы" Івана Іванавіча Каско, першы кліч аб зборы каманды быў кінуты ў цяпер ужо далёкім 2007 годзе. Сабраўся касцяк з аднадумцаў, вучняў сёмых-восьмых класаў. Ідэйнымі натхняльнікамі творчага калектыву былі Вераніка Чыгір, Вераніка Каляга, Юля Каско, Марына Цуманкова. Са з'яўленнем у тэатры Кацярыны Губко звязана цікавая гісторыя. Першай пастаноўкай юных тэатралаў быў "Новы Калабок", і на ролю Калабка шукалі дзіця, ім у рэшце рэшт і аказалася Каця — маленькая сярод старэйшых.



Спаборнічалі юныя інспектары

Ужо некалькі гадоў запар вясной на базе сярэдняй школы №1 горада Дзятлава праходзіць раённы злёт юных інспектараў дарожнага руху. Не стаў выключэннем і 2017 год.

Конкурс ладзіцца з ініцыятывы міжраённага аддзела дзяржаўтаінспекцыі па абслугоўванні Слонімскага, Дзятлаўскага, Зэльвенскага раёнаў і аддзела адукацыі, спорту і турызму Дзятлаўскага райвыканкама. Дзяржаўтаінспектары ацэньваюць, наколькі дасканала вучні ведаюць правілы дарожнага руху, умеюць кіраваць веласіпедамі.



Ала Кастусік: Быць начальнікам - няпроста

Начальнік цэха ААТ "Наваельнянскі камбінат хлебапрадуктаў" Ала Анатольеўна Кастусік -перадавік вытворчасці. Сёлета яе партрэт змешчаны на раённую Дошку гонару. Напярэдадні Свята працы карэспандэнтка газеты "Перамога" сустрэлася з жанчынай, каб даведацца пра яе прафесію, вытворчы працэс і сакрэты поспеху.

Ала Анатольеўна нарадзіла-ся на Дзятлаўшчыне, у вёсцы Літаварцы, а цяпер жыве з сям'ёю ў аграгарадку Дварэц. Яе працоўная кар'ера пачыналася на мясцовым ільнозаводзе, куды дзяўчына ўладкавалася пасля заканчэння Аршанскага механіка-тэхналагічнага тэхнікума, праз год прадоўжыла навучанне на завочным аддзяленні Віцебскага дзяржаўнага ўніверсітэта. Прыкладна праз дзесяць гадоў вопытную работніцу перавялі ў Беларускі навукова-даследчы інстытут лёну, што на Віцебшчыне. Але, як прызнаецца мая субяседніца, у Дварцы застаўся родны дом, куды імкнулася душа. Таму Ала Анатольеўна спачатку перавяласяў ААТ "Ліда-агратэхсэрвіс", каб быць бліжэй да родных мясцінаў, а пасля нараджэння дзіцяці наогул вярнулася дахаты.



Змагаемся са смеццем, аберагаем прыроду!

3 ініцыятывы Цэнтра творчасці дзяцей і моладзі горада Дзятлава быў арганізаваны раённы тыдзень экалагічнага дэсанта. У рамках мерапрыемства валанцёрскія атрады навучэнцаў установаў адукацыі раёиа правялі прыродаахоўныя, інфармацыйна-адукацыйныя, працоўныя акцыі ў сваёй мясцовасці.

Вучні цесна супрацоўнічалі з сацыяльнымі партнёрамі — органамі мясцовай улады, камунальнай і прыродаахоўнай службамі.
Стартаваў тыдзень сацыяльна значным праектам "Экалагічны аўдыт". Мерапрыемства ладзілася ў Цэнтры творчасці дзяцей і моладзі горада Дзятлава ў шосты школьны дзень. Удзел у ім прыня'лі прадстаўнікі экалагічных атрадаў з 11 установаў адукацыі Дзятлаўшчыны і госці. У якасці экспертаў на сустрэчу былі запрошаны начальнік раённай інспекцыі прыродных рэсурсаў і аховы навакольнага асяроддзя Д. Балькоўскі, інжынер па ахове навакольнага асяроддзя Дзятлаўскага РУП ЖКГ I.Варабей, доктар-валеолаг Дзятлаўскага райЦГЭ Н. Юрэня, карэспандэнтка газеты "Перамога" I. Стырнік.



Нашы баяністы - прызёры абласных конкурсаў

Баяністы Дзятлаўскай дзіцячай школы мастацтваў узялі ўдзел у двух абласных конкурсах, з абодвух вярнуліся з узнагародамі.

У Гродне прайшоў конкурс "Юны віртуоз", які праводзіцца кожныя два гады. Сваю творчасць па аддзяленні "баян" у малодшай і сярэдняй трупах прадставілі шэсць юных выканаўцаў з Дзятлаўскага раёна. Дыпломамі трэцяй ступені ў сярэдняй узроставай падгрупе былі ўзнагароджаны Вольга Гульнік (педагог Н. Лішык) і Алеся Шыпіла (педагог С. Жэ-лязоўскі); Ульяна Шэўко і Паліна Дзедава атрымалі граматы за ўдзел у конкурсе. У малодшай падгрупе Аляксандр Волкаў (педагог С. Жэлязоўскі) і Валерыя Шалесная (педагог Н. Лішык) адзначаны граматамі за паспяховае выступленне.

Источник: Дятловская районная газета "Перамога" и интернет-портал http://diatlovonews.by/