Наша газета - "Перамога"!



Медык і вясковы стараста

Раіса Канстанцінаўна Альшэўская — жыхарка аграгарадка Таркачы. Сюды яна прыехала ў 1983 годзе. 3 таго часу жанчына з'яўляецца нязменнай загадчыцай мясцовага ФАПа. На працягу некалькіх апошніх гадоў яна яшчэ і стараста Таркачоў. Наколькі атрымліваецца сумяшчаць гэтыя пасады, чаму менавіта медыцына стала жыццёвым выбарам? На гэтыя і іншыя пытанні Раіса Канстанцінаўна адказала карэспандэнтцы газеты ў час інтэрв'ю.

— Нарадзілася я на Дзятлаўшчыне, у вёсцы Явар, — расказвае мая суразмоўца. — Дзятлаўшчына — гэта радзіма майго таты — Канстанціна Канстанцінавіча. Мама — Аляксандра Герасімаўна — родам з Растова. 3 татам яна пазнаёмілася ў Германіі. У гады Вялікай Айчыннай вайны тата і мама былі вывезены на прымусовыя работы. Пасля вызвалення некаторы час мама і тата жылі ў Растове, а затым пераехалі на радзіму мужа. У сям'і нарадзіліся чацвёра дзяцей. У нашым родзе многа медыкаў, і ўжо з дзяцінства я таксама марыла пра гэту прафесію. Медыцынскую спецыяльнасць атрымала ў Жалудоцкім вучылішчы, пасля заканчэння якога разам з мужам пераехала ў Таркачы.



Мора эмоцый і пазітыву

На працягу 5 тыдняў 2016 года навучэнцы 10 установаў адукацыі нашага раёна прымалі актыўны ўдзел у online гульні-конкурсе "Пад адным сонцам народжаныя". Праект распрацавала настаўніца інфарматыкі Вензавецкага дзіцячага сада-сярэдняй школы Кацярына Валер'еўна Латушка.

Напрыканцы снежня 2016 года на базе Вензавецкага дзіцячага сада-сярэдняй школы прайшла ўрачыстая сустрэча і падвядзенне вынікаў гульні, а таксама першая раённая этнадыскатэка ў рамках рэалізацыі праекта шостага школьнага дня "A сонца свеціць усім аднолькава!". Яе падрыхтавалі і правялі навучэнцы 11 класа ўстановы. Мерапрыемствы ладзіліся сумесна з аддзелам культуры і адпачынку "Вензавецкі дом культуры".



СВЯТА ЗАВІТАЛА У ДЗІЦЯЧАЕ АДДЗЯЛЕННЕ БАЛЬНІЦЫ

У час навагодніх і калядных святаў чароўная казка павінна прыйсці да кожнага дзіцяці, пасяліць у юных сэрцах радасць і надзею. А як быць з тымі дзеткамі, каму не пашанцавала сустракаць сямейныя святы дома?

На Дзятлаўшчыне стала добрай традыцыяй у рамках акцыі "Нашы дзеці" наведваць пацыентаў дзіцячага аддзялення Дзятлаўскай цэнтральнай раённай бальніцы.

Сёлета дзеці, іх бацькі, медыцынскі персанал прымалі віншаванні ад аддзела ідэалагічнай работы, культуры і па справах моладзі райвыканкама, Дзятлаўскага раённага камітэта ГА "БРСМ" і раённай арганізацыі Беларускага таварыства Чырвонага Крыжа.



ЛЕПШАЕ ЛЯКАРСТВА ПАД НАЗВАЙ "СЯМ'Я"

Па словах галоўнага спецыяліста ла ахове дзяцінства аддзела адукацыі, спорту і турызму Дзятлаўскага райвыканкама Алены Анатольеўны Чайкоўскай, на 1 снежня 2016 года ў банку даных Дзятлаўскага раёна аб дзецях-сіротах і дзецях, якія засталіся без апекі бацькоў, на ўліку знаходзяцца 54 непаўналетнія. Сярод іх — 6 дзяцей-сірот і 48 дзяцей, якія засталіся без апекі бацькоў. Усе дзеці ўладкаваны на сямейныя формы выхавання.

Для дзіцяці сям'я — гэта цэлы свет. Свет, у якім яно жыве, дзейнічае, робіць адкрыцці, вучыцца любіць, радавацца, спачуваць, набывае вопыт міжасабовых адносінаў. Дзіця не можа быць шчаслівым, калі не мае сям'і.



ГІСТОРЫЯ - ЦАРЫЦА НАВУК

3 такім перакананнем жыве і працуе настаўніца гісторыі гімназіі №1 горада Дзятлава Лідзія Андрэеўна Ляўкевіч. А калі чалавек у нечым перакананы, то будзе несці святло сваіх перакананняў праз усе жыццё, працаваць так, каб гэта складаная навука, якая патрабуе не толькі ведаў, але і глыбокага аналізу, для школьнікаў перататрылася ў радасную дзею.

У кожнага настаўніка свой педагагічны лёс, свой шлях да сэрцаў дзяцей, свая дарога да педагагічнага майстэрства. Нельга сказаць, што ў некага яна лёгкая і бязвоблачная — усе прабіраюцца праз церні, шукаюць і знаходзяць, губляюць і ідуць наперад, да новых вяршыняў, інакш не будзе настаўніка, не будзе прафесіянала і проста Чалавека з вялікай літары, якім павінен быць кожны ў сваёй прафесіі.



"КАНТАКТ" - ГЭТА ШЧЫРЫЯ РАЗМОВЫ НА СУР'ЁЗНЫЯ ТЭМЫ

На базе сацыяльна-педагагічнага цэнтра горада Дзятлава працуе клуб для падлеткаў "Кантакт". Яго пасяджэнні праходзяць штомесяц у форме трэнінгаў, "круглых сталоў", размоваў на актуальныя тэмы. План работы разлічаны на падлеткаў, якія знаходзяцца на ўліку ў інспекцыі па справах непаў-налетніх і маюць праблемы ў выхаванні. Аднак наведваць заняткі клуба могуць усе жадаючыя. Актуальныя тэмы з падлеткамі тут абмяркоўваюць не толькі сацыяльныя педагогі і педагогі-псіхолагі цэнтра, але і запрошаныя спецыялісты розных службаў і ўстановаў раёна.

Вось і на выніковае пасяджэнне 2016 года ("круглы стол" "Пра СНІД усур'ёз") да ўдзельнікаў клуба "Кантакт" завіталі начальнік інспекцыі па справах непаўналетніх АУС Дзятлаўскага райвыканкама В. В. Петрукевіч і дэрматавенеролаг Дзятлаўскай ЦРБ В. В. Емяльянчык.



ЛЮДЗЯМ ПРАЦЫ ПРЫСВЯЧАЕЦЦА

Нядаўна ў Круцілавіцкім дзіцячым садзе-сярэдняй школе адкрылася новая экспазіцыя школьнага музея. Яна прысвечана развіццю сельскай гаспадаркі ў мікрараёне навучальнай установы.

На ўрачыстае адкрыццё былі запрошаны ветэраны працы сельскай галіны, перадавікі вытворчасці, прадстаўнікі іх сем'яў, цяперашнія работнікі СВК "Граніт-Агра". Прысутнічалі на ўрачыстасці і старшыня раённага камітэта прафсаюза работнікаў аграпрамысловага комплексу Уладзімір Фёдаравіч Казак, кіраўнік спраў Данілавіцкага сельскага выканкама Галіна Генадзьеўна Дворык.

 

В. БАГДЗЕВІЧ: "У ЛЕСЕ БЕЗ ЛЮДЗЕЙ НE АБЫСЦІСЯ"

На Дзятлаўшчыне багата працаўнікоў, якія ўсё свае жыццё прысвяцілі абранай справе, не здрадзіўшы ей ні на імгненне.
З ліку такіх людзей - інжынер-лесапатолаг дзяржаўнай лесагаспадарчай установы "Дзятлаўскі лясгас" Войцех Мар'янавіч Багдзевіч.
Лясному работніку, узнагароджанаму нагрудным знакам Міністэрства лясной гаспадаркі Рэспублікі Беларусь "30 гадоў бездакорнай службы ў дзяржаўнай лясной ахове Рэспублікі Беларусь", ёсць што расказаць чытачам газеты.

Аб жыццёвым выбары

Войцех Мар'янавіч Багдзевіч — ураджэнец Шчучынскага раёна. Яго дзяцінства і юнацкія гады прайшлі ў вёсачцы Шкордзь у Васілішкаўскім сельсавеце. Па заканчэнні школы выпускнік паступаў у вышэйшую навучальную ўстанову па сельскагаспадарчай спецыяльнасці, але ў апошні момант перадумаў, вырашыў падаваць дакументы ў тагачасны Беларускі дзяржаўны тэхналагічны інстытут імя Кірава на спецыяльнасць "Лясная гаспадарка", які паспяхова закончыў у 1973 годзе. Войцех Мар'янавіч Багдзевіч лічыць, што гэта быў шчаслівы выпадак:
— Hi разу ў жыцці за дзясяткі гадоў працы не пашкадаваў, што стаў не сельскагаспадарчым, а лясным работнікам, — кажа мужчына. — Не заўсёды атрымліваецца так, як мы жадаем, але гэта таксама да лепшага.



САМАЕ ГАЛОЎНАЕ I КАШТОЎНАЕ - ЧАЛАВЕЧЫЯ АДНОСІНЫ

Дзякуючы намаганням сацыяльных работнікаў, жыццё многіх пажылых людзей напоўнена сэнсам, у іх ёсць надзея і ўпэўненасць у заўтрашнім дні. На жаль, у наша стагоддзе высокіх тэхналогій пажылыя людзі найчасцей "выпадаюць" з хуткаплыннага жыцця, знаходзяцца на яго перыферыі. У многіх з іх ёсць дзеці, унукі, часам, і праўнукі, аднак наведаць бабулю ці дзядулю яны могуць толькі па выхадных або ў святы, а тыя, хто жыве за мяжой, дык і ўвогуле - раз на год. А старым людзям найчасцей не хочацца перабірацца ў гарады, бо дома і родныя сцены дапамагаюць, і з суседзямі, з якімі жыццё пражылі, шкада развітвацца. Вось і застаюцца яны ў неперспектыўных вёснах і пасёлках дажываць свой век. I як добрыя анёлы-ахоўнікі на дапамогу ім прыходзяць работнікі аддзялення сацыяльнай дапамогі на даму.



ЖЫХАРКА ХВІНЯВІЧАЎ УЗНАГАРОДЖАНА ОРДЭНАМ МАЦІ

Ордэнам Маці за нараджэнне і выхаванне пяці і больш дзяцей былі ўзнагароджаны 14 шматдзетных жанчын з Віцебскай, Гомельскай
і Гродзенскай абласцей. Адпаведны Указ Прэзідэнт Беларусі Аляксандр Лукашэнка падпісаў 9 снежня. У ліку ўзнагароджаных — жыхарка Дзятлаўшчыны, жывёлавод КСУП Хвінявічы Ганна Муха.

Ва ўрачыстай абстаноўцы ўзнагароду шматдзетнай маці ўручыў старшыня Дзятлаўскага райвыканкама Аляксандр Дубовік.

— Ад імя Прэзідэнта Рэспублікі Беларусь Аляксандра Рыгоравіча Лукашэнкі дазвольце ўручыць вам ордэн Маці і павіншаваць вас з гэтай высокай дзяржаўнай узнагародай, — адзначыў Аляксандр Міхайлавіч.



ПА СТАРОНКАХ ЛЕТАПІСУ

Аб школьным жыцці Таркачоўскага дзіцячага сада-базавай школы карэспандэнтцы газеты расказала дырэктар установы Ганна Рыгораўна Гаўрош.

ГІСТОРЫЯ I ВЫПУСКНІКІ

Гісторыя школы пачынаецца з 1957 года. Па 2014 год школа была сярэдняй. За гэты перыяд былі 52 выпускі, установу адукацыі закончылі 892 чалавекі. Каля 100 вучняў атрымалі залатыя і сярэбраныя медалі. 42 выпускнікі школы сталі педагогамі. Таццяна Яўгенаўна Лазовік, Ганна Пятроўна Дайліда, Кацярына Пятроўна Бялькевіч, Людміла Пятроўна Кардаш вярнуліся працаваць у родную школу.



ПА МАТЫВАХ "АПОШНЯГА ГЕРОЯ"

У Пятрэвіцкай сярэдняй школе Навагрудскага раёна праходэіў конкурс "Апошні герой" — своеасаблівы аналаг вядомага тэлевізійнага шоу. Удзел у мерапрыемстве прымалі прадстаўнікі чатырох школаў щ Гродзеншчыны.

Дзятлаўскі раён прадставілі вучні Круцілавіцкага і Раготнаўскага дзіцячых садоў-сярэдніх школ. "Апошнім героем" па выніках конкурсу стала прадстаўніца Круцілавічаў Дар'я Буча. Яна атрымала своесаблівы татэм бессмяротнасці, сертыфікат на наведванне салона прыгажосці, а таксама майку і кепку з лагатыпам конкурсу.



"ЁЛКА ЗДАРОЎЯ". НЕ ПРАХОДЗЬЦЕ MIMA

Напярэдадні Новага года і Калядаў мы чакаем добрых цудаў і ажыццяўлення мараў. Гэтыя светлыя адчуванні падмацоўваюць зялёныя прыгажуні — ёлкі, некаторыя з якіх нават паспелі атрымаць новы статус.



В. ГРЫШУК: "Я ЎПЭЎНЕНА ІШОЎ ДА СВАЁЙ МАРЫ"

17 лістапада 1923 года Цэнтральным адміністрацыйным упраўленнем Народнага камісарыята ўнутраных спраў РСФСР была зацверджана Інструкцыя ўчастковаму назіральніку горада. Яна заклала нарматыўную базу для стварэння і развіцця ўчастковай службы.

Источник: Дятловская районная газета "Перамога" и интернет-портал http://diatlovonews.by/