Наша газета - "Перамога"!



Душа - як агонь, а ў сэрцы - фальклор!

Народная мудрасць, народная паэтычная творчасць, мастацтва слова і музыкі, якія звязаны з бытам і абрадамі, дазваляюць сучаснаму чалавеку любога ўзросту і статусу спазнаць сваю гісторыю.

Гаворка ідзе пра фальклор. Лепш за ўсё з ім знаёміцца праз яго носьбітаў, якія твораць у межах традыцыі, абапіраючыся на папярэднікаў, паўтараючы, змяняючы, дапаўняючы тэксты.

На шчасце, носьбіты народнай творчасці ёсць на Дзятлаўшчыне. Фальклорны калектыў вёскі Погіры вядомы не толькі ў раёне, але і ў розных мясцінах Беларусі.

Актыўныя і жыццярадасныя жанчыны-ўдзельніцы калектыву ўжо шмат гадоў звонка і бадзёра нясуць у народ песні, якія чулі ад сваіх матуляў і бабуляў.



У першым паўгоддзі знізілася злачыннасць

Аналіз стану злачыннасці сведчыць, што на тэрыторыі Дзятлаўскага раёна ў першым паўгоддзі 2017 года адбылося зніжэнне як агульнай злачыннасці са 118 у першым паўгоддзі 2016 года да 94 сёлета (мінус 24 злачынствы, або мінус 20,3%), так і зніжэнне колькасці зарэгістраваных злачынстваў па лініі крымінальнага вышуку з 76 да 59 (мінус 17, або на мінус 22,4%). Узровень злачыннасці на 10 тысяч насельніцтва паменшыўся і склаў 37,5% (мінус 8,6%).

За першае паўгоддзе 2017 года на тэрыторыі раёна зарэгістравана 5 злачынстваў, якія адносяцца да катэгорыі цяжкіх і асабліва цяжкіх: прычыненне цяжкіх цялесных пашкоджанняў — 1 (плюс 1), разбойныя нападьі — 1 (плюс 1), палавыя зносіны з асобай, якая не дасягнула 16-гадовага ўзросту, — 2 (плюс 2), незаконныя дзеянні ў адносінах да зброі — 1 (плюс 1).



Адкрыты новы рэнтген-кабінет у раённай бальніцы

12 верасня ў Дзятлаўскай цэнтральнай раённай бальніцы адбылося ўрачыстае адкрыццё пасля рэканструкцыі новага рэнтген-кабінета.

Гэта падзея стала важнай для калектыву бальніцы і паліклінікі, бо цяпер з дапамогай новага ўнікальнага абсталявання медыкі змогуць атрымліваць высакаякасныя рэнтген-здымкі, аператыўна ставіць дыягназы і прызначаць лячінне пацыентам.

Мерапрыемства распачаў ансамбль народнай песні і музыкі "Ятранка". Пасля вітальнай песні творчага калектыву перад прысутным медперсаналам і гасцямі выступіў старшыня Дзятлаўскага раённага выканаўчага камітэта Аляксандр Дубовік:
— Кожны з нас у жыцці сутыкаецца з сітуацыямі, у якіх можна атрымаць траўмы. Пры гэтым мы жадаем атрымаць своечасовую і кваліфікаваную дапамогу. Пры комплексным аналізе сітуацыі з размяшчэннем і камплектаваннем лячэбна-прафілактычных установаў у Дзятлаўскім раёне зроблена выснова, што менавіта ў раённай бальніцы рэнтген-кабінет будзе найбольш эфектыўны.



Аляксей Хлястоў на Дзятлаўшчыне: "Штосьці не так"

У Наваельні з канцэртнай праграмай выступіў папулярны артыст, неаднаразовы ўладальнік тытула "Лепшы спявак года" Беларусі
Аляксей Хлястоў. Пра сваю творчасць, гатоўнасць жыць у вёсцы пра здаровы лад жыцця спявак пагутарыў з карэспандэнткай "Перамогі".

"Артыст — чалавек, які заўсёды ў пошуку

— Ужо месяц на прасторах інтэрнэту "гуляе" ваша новая песня "Штосьці не maк" і займае высокія пазіцыі у папулярных рэйтынгах. Відавочна, гэта поспех, але песня па фармаце некалькі адрозніваецца ад папярэдніх, што прывяло вас да зменаў?
— Артыст — чалавек, які заўсёды ў пошуку. Разам з маім аўтарскім складам мы хочам зразумець, на якую мэтавую аўдыторыю трэба працаваць. Гэтая песня разлічана на людзей прыкладна ад 18 да 35 гадоў. Папярэдняя песня "Такое каханне" зачапіла сегмент амаль да 50-гадовага слухача.



"Бронза" - у Аляксандра Дзямянцава

У Мінску, у Беларускім дзяржаўным універсітэце фізічнай культуры, прайшла 8-я рэспубліканская спартакіяда грамадскага аб'яднання "Беларускае таварыства інвалідаў па зроку". У ёй прымалі ўдзел спартсмены-інваліды па зроку з усіх абласцей нашай краіны. Сярод іх быў разыграны 21 камплект узнагародаў у сямі відах спорту.

Удзельнікі спартакіяды прадэманстравалі свае здольнасці ў спаборніцтвах па лёгкай атлетыцы, шматбор'і, гіравым спорце, плаванні, згулялі ў шашкі, шахматы, шоўдаўн (тэніс для сляпых, які збіраюцца ўключыць у паралімпійскія віды спорту), міні-футбол.



Бібліятэкар Святлана Кашырэц

Бібліятэка, калі ўдумацца, — унікальная ўстанова, якая дапамагае лячыць душы, павышаць прафесіяналізм, пашыраць кругагляд,
духоўна абагачацца. Яе наведваюць чытачы розных узростаў і сацыяльных катэгорый: ад школьніка — да пенсіянера, ад будаўніка — да акадэміка. I вельмі важную ролю ў гэтым храме ведаў мае бібліятэкар. Менавіта ён з'яўляецца пасрэднікам паміж кнігай і чытачом, у многім ад яго залежыць, якія кнігі трапяць у рукі людзям.

Дваццаць тры гады працы ў бібліятэцы прысвяціла жыхарка вёскі Горка Святлана Фёдараўна Кашырэц. Цяпер яна працуе бібліятэкарам Войневіцкай сельскай бібліятэкі-клуба.



Школьны праект паспрыяў добраму ўраджаю

Жыхар вёскі Хвінявічы Вацлаў Браніслававіч Залеўскі — аграном са шматгадовым стажам, эксперыментатар. Ён прайшоў працоўны шлях ад агранома ў калгасе да намесніка старшыні райвыканкама па сельскай гаспадарцы і харчаванні, быў старшынёй Парэцкага сельскага Cавета, а цяпер знаходзіцца на заслужаным адпачынку. Але слова "адпачынак" цяжка суаднесці з актыўнай натурай Вацлава Браніслававіча, які шмат часу праводзіць на прысядзібным участку. За сезон ён стараецца атрымаць як мага большы ўраджай з найменшымі затратамі. У гэтым яму дапамагаюць прафесійныя веды, спецыяльная літаратура, жаданне эксперыментаваць і жонка, якая таксама шмат часу праводзіць на агародзе.



"Нiва" - чэмпiён!

У міні-футбол у Дзятлаве гуляюць многія, а перамагае - "Ніва". Штатны фаварыт у чарговым адкрытым чэмпіянаце горада перамог за яўнаю перавагаю. Сярэбранага прызёра "Фарсаж" чэмпіён апярэдзіў на камфортныя 8 ачкоў, прайграў за 20 матчаў усяго адзін раз. і забіў больш за ўсіх галоў (76), і прапусціў менш за ўсіх мячоў (31).



Сустрэча праз сорок гадоў

У жніўні выпускнікі 1977 года Вензавецкай сярэдняй школы вырашылі сабрацца на доўгачаканую сустрэчу праз сорак гадоў пасля заканчэння школы.

Прыехалі чатырнаццаць чалавек, каб пабачыцца, падзяліцца сваімі радасцямі, успомніць мінулыя школьныя гады, сваіх настаўнікаў і аднакласнікаў, якія жывуць і якіх ужо няма побач.

Здаецца, зусім нядаўна прывялі нас матулі прыгожых, з вялікімі букетамі кветак у першы клас, дзе першая настаўніца Ганна Міхайлаўна Каско прыняла нас, як сваіх родных дзетак. I вось прайшло з таго часу ўжо сорак гадоў.



Пасёлак любы, сэрцу дарагі

Пад такой назвай 26 жніўня адбылося ваенна-спартыўнае свята ў пасёлку Гезгалы. Свята праводзілася ўпершыню.
Запрашэнне на яго атрымалі ўсе, хто служыў і працаваў у ваенным гарадку.

Прысутных павіталі старшыня Жукоўшчынскага сельвыканкама Валерый Верамейчык і старшыня мясцовай пярвічнай арганізацыі ветэранаў вайны, працы і Узброеных Сіл Аляксандр Волкаў з пажаданнямі прыемна бавіць час і добра адпачыць.

— Сёння цяжка ўявіць, што 20 гадоў таму амаль увесь пасёлак насіў пагоны, — зазначыў Аляксандр Волкаў. — Але тут засталіся і жывуць ваенныя пенсіянеры. Радасна бачыць знаёмых былых вайскоўцаў, а засмучае тое, што з гадамі нас становіцца менш. Таму здароўя ўсім і Больш за 30 гадоў гезгалаўскія ракетчыкі былі ў складзе войск стратэгічнага прызначэння. I менавіта тут адбылася адметная падзея: 27 лістапада 1996 года былі вывезены апошнія балістычныя ракеты. Беларусь набыла статус бяз'ядзернай дзяржавы, стала першай у свеце краінай, якая адмовілася ад ядзернай зброі добраахвотна.



Сталі на крывую дарожку

На чарговым пасяджэнні камісіі па справах непаўналетніх райвыканкама разгледжаны 3 пытанні аб магчымасці вяртання ў біялагічную сям'ю дзіцяці, прызнанага маючым патрэбу ў дзяржаўнай абароне, і два хадайніцтвы аб прыняцці мераў да бацькоў непаўналетніх, якія неналежным чынам выконваюць свае абавязкі.

Дакументы накіраваны ў суд

Немаўля паўгода знаходзіцца ў сацыяльнай установе, па-куль бацькі спрабуюць дома стварыць неабходныя для яго ўмовы.
Некалькі разоў дарослых выклікалі на пасяджэнні камісіі па справах непаўналетніх райвыканкама, каб даведацца, як ідуць справы, даць слушныя парады. На жаль, шэраг патрабаванняў так і не выкананы: касметычны рамонт у хаце пасля пажару не поўнасцю зроблены, адсутнічаюць многія неабходныя рэчы, не падведзена электрычнасць, а галоўнае — адносіны бацькоў да жыцця так і не памяняліся.



Сувязныя вякоў і пакаленняў: Францыск Скарына і Ігнат Дварчанін

Грамадскасць Беларусі рыхтуецца адзначыць у верасні 2017 года 500-годдзе кнігадрукавання, якое ў нашым уяўленні цесна звязана з асобай Францыска Скарыны. Па карпатлівых падліках бібліёграфаў, Францыску Скарыну прысвечана больш за 6 тысяч публікацый. Лічба значная. А хто былі тыя першыя даследчыкі, якія звярнуліся да асобы першадрукара, усебакова асэнсавалі ролю Францыска Скарыны ў нашай нацыянальнай гісторыі?

Шукаючы адказ на гэта пытанне, можна даведацца, што сярод скарыназнаўцаў згадваецца імя і нашага земляка Ігната Дварчаніна.



"Вясёлка над Віцебскам" перамога ў дзятлаўчан

3 16 пa 18 ліпеня ў рамках міжнароднага фестывалю мастацтваў "Славянскі базар у Віцебску" праходзіў фестываль-конкурс дзіцячай і моладзевай творчасці "Вясёлка над Віцебскам". Больш за тысячу юных талентаў з Беларусі, Расіі, Латвіі, Малдовы, Ізраіля сабраліся стварыць асаблівую атмасферу, уласцівую менавіта дзіцячай творчасці.

Сярод удзельнікаў і пераможцаў конкурсу былі дзеці з Дзятлаўшчыны. У ігры на цымбалах у малодшай катэгорыі лаўрэатам першай ступені стала Анастасія Салата. У старэйшай — Караліна Капковіч заняла другое месца. Таксама лаўрэатам ганаровага другога месца стаў дуэт цымбалістаў у складзе Караліны Капковіч і Яны Папроцкай. Навучаіла дзяўчынак-пераможцаў Ірына Сідорчык, канцэртмайстар — Наталля Клімец.



Дванаццатая сустрэча кулікоўшчынцаў

У сярэдзіне лета, у час самага росквіту прыроды, былыя жыхары вёскі Кулікоўшчына сабраліся на традыцыйную штогадовую сустрэчу, ужо дванаццатую па ліку.

У сярэдзіне лета, у час самага росквіту прыроды, былыя жыхары вёскі Кулікоўшчына сабраліся на традыцыйную штогадовую сустрэчу, ужо дванаццатую па ліку.

Сабралася сёлета чатырнаццаць чалавек. Сярод прысутных былі і самыя старэйшыя землякі, дваім у бягучым годзе споўнілася восемдзесят гадоў. Прыехалі і маладыя, якія нарадзіліся ў гэтай вёсцы, а цяпер жывуць у іншых паселішчах. Прыбыла на сустрэчу зямлячка, якой раней не давялося ўдзельнічаць у такім зборы.



Разглядалі паводзіны дзяцей і дарослых

На чарговым пасяджэнні камісіі па справах непаўналетніх райвыканкама разгледжаны 6 пытанняў: аб магчымасці вяртання ў біялагічную сям'ю дзіцяці, прызнанага маючым патрэбу ў дзяржаўнай абароне, чатыры адміністрацыйныя пратаколы, хадайніцтва аб прыняцці мераў да бацькоў непаўналетняга, якія наложным чынам не выконеаюць свае абавязкі.

Маці хоча вярнуць сына

Жанчына паступова спраўляецца з праблемамі, якія прывялі да адабрання дзіцяці. Некалькі месяцаў таму яе сына прызналі маючым патрэбу ў дзяржаўнай абароне з-за злоўжывання маці алкаголем і бадзяжніцтва. Цяпер яна прайшла курс лячэння ад, алкагольнай залежнасці, працуе, яе станоўча характарызуе наймальнік. Спецыялісты сацыяльнага прытулка, дзе знаходзіцца хлопчык, сцвярджаюць, што ў маці і сына наладжаны даверлівыя адносіны. Жанчына часта наведвае непаўналетняга, прывозіць гасцінцы яму і іншым дзецям, якія знаходзяцца ў прытулку. У маці засталіся нявырашанымі некалькі бытавых пытанняў. Калі ўсё будзе зроблена, хлопчык вернецца ў сям'ю.

Источник: Дятловская районная газета "Перамога" и интернет-портал http://diatlovonews.by/