Наша газета - "Перамога"!



Шлях у 90 гадоў

Свой 90-ы дзень нараджэння адсвяткавала Еўдакія Рыгораўна Улога, выдатніца народнай асветы Беларусі, уладальніца шэрагу Ганаровых граматаў Міністэрства адукацыі БССР, абласнога і раённага выканаўчых камітэтаў. 3 адметнай датай юбілярку віншавалі не толькі родныя, але і былыя калегі, вучні.

Кветкі, падарункі, віншаванні для Еўдакіі Рыгораўны падрыхтавалі начальнік аддзела адукацыі, спорту і турызму Дзятлаўскага райвыканкама Н.С.Белаус намеснік старшыні галіновай ветэранскай арганізацыі Я. Р. Савань, дырэктар Хвінявіцкага дзіцячага сада-сярэдняй школы М. А. Доўгач, педагогі М. І. Шоцік, В. М. Саўчанкава, Л. Я. Трубчанкава.



За здоровую будучыню

У актавай зале гімназіі №1 горада Дзятлава ў фармаце адкрытага дыялогу прайшла сустрэча навучэнцаў старэйшых класаў "Моладзь Дзятлаўшчыны выбірае здаровую будучыню", скіраваная на барацьбу з наркотыкамі і нарказалежнасцю.

Мерапрыемства было арганізавана з ініцыятывы раённага камітэта ГА "БРСМ". Удзел у ім прымалі доктар-нарколаг Дзятлаўскай цэнтральнай раённай бальніцы К. Якімчык, оперупаўнаважаны групы наркакантролю і супрацьдзеяння гандлю людзьмі АУС Дзятлаўскага райвыканкама В. Бароўскі, фельчар-валеолаг Дзятлаўскага райЦГЭ Н. Юрэня.



"Сэрца аддаю дзяцям"

Пад такой назвай на Дзятлаўшчыне прайшоў раённы фестываль замяшчальных сем'яў. У актавай зале гімназіі №1 горада Дзятлава сустрэліся 7 прыёмных сем'яў і прадстаўнікі двух дзіцячых дамоў сямейнага тыпу, каб паказаць сваю творчасць, падзяліцца прафесійным майстэрствам, расказачь пра сямейныя традыцыі і дасягненні.

Прыёмных бацькоў, бацькоў-выхавальнікаў, іх дзяцей павітала начальнік аддзела адўкацыі, спорту і турызму райвыканкама Н. Белаус. Наталля Сяргееўна падзякавала прыёмным бацькам за іх нераўнадушныя сэрцы, клопат і любоў да дзяцей, за тое, што, дзякуючы іх намаганням, для многіх хлопчыкаў і дзяўчынак словы "мамам і "тата" загучалі па-новаму.



"Шчасце дзяцей у нашых руках"

Гэта думка праходзіць лейтматывам праз усё жыццё шматдзетнай матулі Марыны Генадзьеўны Шэлег. Яна нарадзіла сем сваіх дзяцей, двое з якіх ужо маюць уласныя сем'і. А ў снежні 2014 года Аляксандр Леанідавіч і Марына Генадзьеўна Шэлегі сталі
бацькамі-выхавальнікамі дзіцячага дома сямейнага тыпу, які адкрыўся ў Дзятлаве. Цяпер яны, акрамя пяці родных, гадуюць яшчэ пяць дзяцей, якія засталіся без апекі бацькоў.

У 2007 годзе Марына Генадзьеўна Шэлег была ўзнагароджана ордэнам Маці, а 18 сакавіка гэтага года прыняла ўдзел у цырымоніі ўзнагароджання па вышках рэспубліканскага конкурсу грамадскага аб'яднання "Беларускі саюз жанчын" - "Жанчына года-2016". Пераможца конкурсу сталі 44 жанчыны з розных рэгіёнаў нашай краіны. Марына Генадзьеўна была адзначана дыпломам пераможцы ў намінацыі "За выхаванне дзяцей і моладзі".



М.Юркевіч: "Каммунальнікі заўжды на вахце"

Прафесійнае свята работнікаў жыллёва-камунальнай гаспадаркі - нагода ўзважыць здабыткі працы і ўзнагародзіць лепшых работнікаў. Сёлета ў ліку перадавікоў, адзначаных дзяржаўнымі ўзнагародамі, машыніст экскаватара участка транспарту Дзятлаўскага РУП ЖКГ Мікалай Юркевіч. За шматгадовую пленную працу ён удастоены Ганаровай граматы Упраўлення жыллёва-камунальнай гаспадаркі Гродзенскага аблвыканкама.

Сам Мікалай Юркевіч пра адзнакі і ўзнагароды гаварыць не любіць, а вось аб працы расказвае ахвотна. Сучасным камунальнікам бесклапотна сядзець не выпадае, а сам машыніст заняты адразу на двух участках працы: сумяшчае абавязкі экскаватаршчыка і машыніста пагрузчыка.



Як на сонца і вецер "палююць"

Дыплом Міжнароднага конкурсу "SPARE" "Энергія і асяроддзе", дыплом Дэпартамента па энергаэфектыўнасці Рэспублікі Беларусь, Ганаровая грамата Міністэрства адукацыі Рэспублікі Беларусь, шматлікія ганаровыя граматы, кубкі, знакі, медалі, дыпломы — гэта ўзнагароды настаўніцы сярэдняй школы №1 горада Дзятлава Ірыны Уладзіміраўны Дарафейчык. Разам са сваімі вучнямі яна чатыры гады запар "палюе" на сонца і вецер, каб атрымаць іх прыродную энергію на карысць людзям. Як гэта адбываецца? Якія прыстасаванні для атрымання цеплавой, светлавой, электрычнай энергіі сканструявалі настаўніца і яе вучні? Як іх работы ацанілі энергетыкі і навукоўцы? Пра гэта і іншае карэспандэнтка газеты "Перамога" пацікавілася ў і. Дарафейчык.

— Ірына Уладзіміраўна, з чаго ўсё пачыналася?
— У 2013 годзе мне прапанавалі паўдзельнічаць у конкурсе "Энергамарафон". Тады і з'явіліся ідэі, якія мы паспрабавалі ажыццявіць. 3 вучнямі Аляксандрам Пацыновічам і Вадзімам Багдзялём распрацавалі праект "Альтэрнатыўныя крыніцы святла і цяпла". Работа была паспяховая. 3 ёй перамаглі на абласным і рэспубліканскім этапах конкурсу "Энергамарафон-2013".



Хакей "Залатой шайбы"

У 1997 годзе ў Беларусі ў рэспубліканскім фармаце быў адроджаны знакаміты ўсесаюзны турнір для дзяцей і падлеткаў "Залатая шайба". 3 таго чаcу апякуецца над ім Прэзідэнцкі спартыўны клуб. Пастаяннымі ўдзельнікамі турніру на раённым, абласным і рэспубліканскім узроўнях з'яўляюцца каманды Дзятлаўскага раёна.

Раённы турнір

Сёлета раённы турнір прайшоў у трох узроставых групах: малодшай, сярэдняй і старэйшай. У папярэднія гады хлопцы спаборнічалі ў дзюх групах. Сёлетняя трэцяя ўзнікла з жадання юных хакеістаў і прапановы бацькоў. Марозная зіма выдалася даволі працяглая: Лядовы каток на гарадскім стадыёне ў Дзятлаве працаваў 36 дзён, і часу на хакейныя баталіі хапіла ўсім узростам.



Дзятлаўскае ДТСААФ - лепшае ў вобласці

Сёлета рэспубліканскае дзяржаўна-грамадскае аб'яднанне "Добраахвотнае таварыства садзеяння арміі, авіяцыі і флоту" адзначае сваё дзевяностагоддзе. 3 гэтай нагоды ў Дзятлаўскай раённай арганізацыйнай структуры ДТСААФ адбылося ўрачыстае пасяджэнне.

— Дзятлаўская раённая арганізацыйная структура ДТСААФ другі год запар — лепшая ў вобласці, — адзначыў ў прывітальным слове старшыня раённай арганізацыі Валянцін Варабей.

Сам Валянцін Анатольевіч сёлета быў узнагароджаны нагрудным знакам "Ганаровы член ДТСААФ", Ганаровай граматай і юбілейным медалём арганізацыі.



Аб добраўпарадкаванні вёскі Ведравічы

Зварот жыхароў вёскі Ведравічы па пытанні выдалення дрэваў у вёсцы Ведравічы быў разгледжаны камісіяй у складзе I. В. Калбаскі — галоўнага спецыяліста галоўнага ўпраўлення ідэалагічнай работы, культуры і па справах моладзі Гродзенскага аблвыканкама; А. Ю. Адаменкі — начальніка аддзела дзяржаўнага кантролю за аховай і выкарыстаннем земляў, расліннага і жывёльнага свету, нетраў і асабліва ахоўных тэрыторый Гродзенскага абласнога камітэта прыродных рэсурсаў і аховы навакольнага асяроддзя; А. У. Якаўчыка — галоўнага спецыяліста аддзела ідэалагічнай работы, культуры і па справах моладзі Дзятлаўскага райвыканкама; Д. Г. Балькоўскага — начальніка Дзятлаўскай раённай інспекцыі прыродных рэсурсаў і аховы навакольнага асяроддзя; В. А. Абухава — намесніка старшыні Дзятлаўскага раённага аб'яднання ветэранаў. Яны выехалі на месца і сустрэліся з жыхарамі вёскі.



За якія ўчынкі даводзіцца адказваць

Не створаны ўмовы для немаўляці

Калі нараджаецца дзіця, для яго ўжо набыты новыя прыгожыя рэчы, каляска, дзіцячы ложак і шмат іншых дробязяў, падрыхтаваны пакой, і родныя з нецярпеннём чакаюць выпіскі матулі з немаўлём з бальніцы. На жаль, так бывае не заўжды.

На адрас камісіі па справах непаўналетніх райвыканкама паступіла хадайніцтва аб прызнанні маючым патрэбу ў дзяржаўнай абароне дзіцяці, якое з'явілася на свет у снежні 2016 года і да гэтага часу знаходзіцца ў бальніцы. Маці нованароджанага родам з Дзятлаўшчыны, бацька — з Лідчыны. Дарослыя нідзе не працуюць, шлюб паміж імі не зарэгістраваны. Па словах медыкаў, жанчына стала на ўлік па цяжарнасці ў Дзятлаве, пазней выехала ў Лідскі раён. Яна не заўсёды выконвала рэкамендацыі дактароў, нават самавольна пакідала радзільнае аддзяленне, не наведвала малога пасля нараджэння.



"Малая Алімпіяда" у Казлоўшчыне

У спартыўнай зале Казлоўшчынскай сярэдняй школы прайшла чарговая пасялковая спартакіяда "Здароўе", якая ў кулуарах атрымала назву "малых Алімпійскіх гульняў".

Пра значнасць мерапрыемства для пасёлка і ўвазе да яго з боку ўлады гаворыць тое, што арганізацыйны збор да спартакіяды адбываецца ў пасялковай мэрыі, непасрэдна ў кабінеце старшыні Казлоўшчынскага сельскага выканаўчага камітэта Вадзіма Аляксандравіча Бяляткі. Там да моманту прыняцця палажэння аб спартакіядзе і яе рэгламента праходзяць часам гарачыя дэбаты, пакуль аргкамітэт не прыйдзе даканчатковага рашэння.



Выхавальнік - пуцяводная зорка

Залаты час свайго дзяцінства многія маленькія дзятлаўчане бавяць у дашкольных навучальных установах, дзе па шляху адкрыццяў іх вядзе першы педагог» выхавальнік.



"Гатуем разам": на кухні два пакалення

Згодна з планам развіцця тэрытарыяльных Цэнтраў сацыяльнага абслугоўвання насельніцтва Гродзенскай вобласці ў 2017 годзе, зацверджаным Камітэтам па працы, занятасці і сацыяльнай абароне Гродзенскага аблвыкайкама 8 лютага 2016 года, у сакавіку 2017 года у Цэнтры сацыяльнага абслугоўвання насельніцтва Дзятлаўскага раёна адкрыўся пакой прыёму ежы.

Але простым адкрыццём пакоя тут не абмежаваліся і вырашылі даць старт сацыяльна значнаму праекту — "Гатуем разам". Пры Цэнтры працуюць 6 аддзяленняў. Два з іх — аддзяленне дзённага знаходжання для грамадзян пажылога ўзросту і аддзяленне дзённага знаходжання для інвалідаў "Праменьчык" — сталі ўдзельнікамі праекта.



Свята ў Казлоўшчьне

Добрай традыцыяй у Казлоўшчыне стала правядзенне народных святаў, вечароў адпачынку, іншых цікавых мерапрыемстваў. Вось і нядаўна ва ўтульнай зале мясцовага кафетэрыя прайшла вечарына да Дня абаронцаў Айчыны і Дня жанчын 8 Сакавіка.

Ініцыятарамі мерапрыемства сталі старшыня сельскага выканкама В. А. Бялятка, дырэктар мясцовага Дома культуры Д. Д. Міскевіч, старшыня пасялковага таварыства інвалідаў В. М. Барысік.

Святочны агеньчык наведалі ветэраны вайны і працы, члены таварыства інвалідаў, усе, хто любіць музыку і песні. Гасцямі мерапрыемства былі старшыня раённай арганізацыі інвалідаў В. Ю. Берднікава, загадчыца аддзялення дзённага знаходжання для інвалідаў В. Р. Саламевіч, старшыні таварыстваў інвалідаў з Гезгалаў і Наваельні.



Шукалі таленты

3 сакавіка на сцэне актавай залы сярэдняй школы №3 горада Дзятлава прайшоў конкурс "Новыя імёны Беларусі - 2017". У ім прынялі ўдзел педагогі ўстановаў адукацыі раёна.

Мерапрыемства прайшло ў рамках рэспубліканскага прафсаюзнага фестывалю "Працоўныя таленты — 2017", які ладзіцца з ініцыятывы Федэрацыі прафсаюзаў Беларусі. Удзельнікі выступалі ў намінацыях "Вакал", "Інструментальны жанр" і "Арыгінальны жанр", дзе ў поўнай меры прадэманстравалі свае таленты.

Источник: Дятловская районная газета "Перамога" и интернет-портал http://diatlovonews.by/