Тэма не радасная



16 жніўня ў Дзятлаўскім раёне праводзіўся Адзіны дзень інфармавання насельніцтва. У гімназіі №1 горада Дзятлава працавала інфармацыйна-прапагандысцкая група на чале з намеснікам пракурора Гродзенскай вобласці Святланай Рахман.

На павестку дня былі вынесены тры пытанні: "Меры па папярэджанні і пераадоленні п'янства і алкагалізму", "Моладзь Беларусі: магчымасці для самарэалізацыі", "Аб сацыяльна-эканамічным развіцці Гродзенскай вобласці за студзень-чэрвень 2018 года".

Першае пытанне падрабязна раскрыла Святлана Рахман, якая звярнула ўвагу, што тэма, па якой сёння прыйдзецца гаварыць, - не радасная, нават непрыемная. Тыя лічбы па ўжыванні алкаголю і спірту, па якіх пра Беларусь думаюць у свеце, яшчэ некалькі гадоў таму былі страшныя. Па колькасці ўжывання чыстага спірту на душу насельніцтва Сусветная арганізацыя аховы здароўя ставіла Беларусь на 1-е месца ў свеце, сёлета мы ўжо на 27-ым месцы. Аднак трэба разумець, што гэта толькі статыстыка, а на самой справе лічбы значна вышэйшыя. У Гродзенскай вобласці на 1 ліпеня афіцыйна стаялі на ўліку ў нарколага больш за 23 тысячы грамадзян.

3-за празмернага ўжывання алкаголю ўзнікаюць вялікія праблемы ў плане сацыяльным, сямейным, дэмаграфічным: гэта і захворванні, смяротнасць, інвалідызацыя. Праблема актуальная і праблема цяжка вырашальная.

Што робіць заканадаўства ў гэтым напрамку? Якія меры могуць знізіць небяспеку алкагалізацыі насельніцтва? ёсць пэўныя заканадаўчыя акты, законы, якія дазваляюць з гэтым змагацца. Так, толькі за паўгода выяўлена каля 18 тысяч фактаў адміністрацыйных парушэнняў, звязаных са злоўжываннем алкаголю.

Святлана Мікалаеўна адзначыла, што адзін з дзейсных сродкаў барацьбы з гэтай праблемай - лячэбна-працоўныя прафілакторыі. Яшчэ адна з мераў - абмежаванне дзеяздольнасці тых, хто злоўжывае.

На жаль, цяпер існуюць эканамічныя інтарэсы па гандлі спіртнымі напоямі. I тут дзейснай мерай магло б стаць абмежаванне продажу спіртных напояў. Важна памятаць, што ўсё закладваецца ў сям'і, і бацькі, у першую чаргу, не ўжываючы алкаголь, павінны паказваць станоўчы прыклад дзецям.

Галоўны спецыяліст аддзела ідэалагічнай работы, культуры і па справах моладзі райвыканкама Аляксей Якаўчык расказаў пра магчымасці самарэалізацыі беларускай моладзі. Было адзначана, што маладыя людзі ў нашай краіне, у першую чаргу, арыентуюцца на стварэнне шчаслівай сям'і і захаванне здароўя. Вялікая ўвага надаецца адукацыі моладзі, забеспячэнню занятасці, у прыватнасці, у летні перыяд і ў свабодны ад вучобы час. У краіне створана сістэма сацыяльнай падтрымкі адоранай моладзі, надаецца ўвага фарміраванню здаровага ладу жыцця. Міністэрствам адукацыі пачата работа па распрацоўцы Стратэгіі развіцця дзяржаўнай моладзевай палітыкі да 2030 года.

Пра сацыяльна-эканамічнае развіццё Гродзенскай воблас-ці і Дзятлаўскага раёна за студзень-чэрвень 2018 года расказала галоўны спецыяліст аддзела эканомікі райвыканкама Тамара Ляпешка.

Святлана ГРЫШЫНА

Источник: Дятловская районная газета "Перамога" и интернет-портал http://diatlovonews.by/