ДЯТЛОВЩИНА : информационный портал

Таксама забаронена прамысловая лоўля вугра без прытрымлівання прамысловай меры ў месцах і на ўмовах, якія штогод вызначаюцца Міністэрствам прыродных рэсурсаў і аховы навакольнага асяроддзя.

У гэты тэрмін уведзены найбольш жорсткія абмежаванні рыбалоўства, паколькі асноўныя прамысловыя віды рыб, якія жывуць у беларускіх вадаёмах, нерасцяцца ў вясновы перыяд. Гэта - шчупак, лешч, акунь, платва, судак і іншыя.

У час адкладання ікры і яе апладатварэння нават нязначны шум на нерасцілішчы можа перапыніць гэты працэс. Вось таму лоўля рыбы ў гэты перыяд дазваляецца толькі з берага, не заходзячы ў ваду. А на любых пабудовах, якія размешчаны ў вадзе, над воднай гладдзю на адлегласці ад берага, з'яўляюцца месцамі, адкуль аматарскае рыбалоўства ў гэты перыяд ажыццяўляць забаронена. Пра лоўлю рыбы з лодкі і іншых плавальных судоў, а таксама выкарыстоўваць іх для пераправы на другі бераг воднага аб'екта пакуль трэба забыцца.

Згодна з артыкулам 134.5 Правілаў вядзення рыбалоўнай гаспадаркі і рыбалоўства ў перыяд веснавой забароны на лоўлю рыбы забараняецца выкарыстанне грамадзянамі ў рыбалоўных угоддзях маламерных суднаў і суднаў з рухавікамі.

Таксама нагадваем, што ў перыяд з 1 красавіка па 30 мая сплаў па рэках на байдарках грамадзян і арганізаваных турысцкіх групаў забаронены.

Некаторыя рыбаловы забываюць, што ў забаронены перыяд пад'ёмнікі для лоўлі жыўца і воблеры з двума трайнікамі з'яўляюцца забароненымі прыладамі рыбалоўства і лоўля імі, а таксама знаходжанне каля вадаёма на адлегласці да аднаго кіламетра ад берагавой лініі рыбалоўных угоддзяў забаронена.

Я думаю, тлумачэнні вышэйуказаных пунктаў Правілаў вядзення рыбалоўнай гаспадаркі і рыбалоўства дазволяць вам пазбегнуць некаторых непрыемнасцяў пры сустрэчы з прыродаахоўнымі службамі.

Жадаю вам удачнай паклёўкі!

Больш падрабязную інфармацыю або тлумачэнні можна атрымаць па тэлефонах "гарачай лініі" Навагрудскай МРІ: 8(01597)27-1-18, 27-1-19.

Намеснік начальніка Навагрудскай МРІ Маскаль Д.У.