ДЯТЛОВЩИНА : информационный портал

— Працэс узбуйнення ў малочнай галіне, які назіраецца апошнія гады, непазбежна прывядзе да таго, што такія невялікія прадпрыемствы, як ААТ "Дзятлаўскі сыраробчы завод", не выжывуць самастойна. Гэта добра бачна на прыкладзе 2008-2009 гадоў, калі названым заводам было атрымана каля 10 мільярдаў рублёў стратаў, што прывяло да высокай за-крэдытаванасці прадпрыемства, калі даўгі банкам супастаўныя з гадавой выручкай і "мінусавым" чыстым актывам. I такое становішча пагражае любому прадпрыемству банкруцтвам.

— Чаму вырашылі дзейнічаць менавіта праз пакупку акцый, а не праз рэарганізацыю ў форме далучэння ААТ Дзятлаўскі сыраробчы завод да Ваўкавыскага ААТ "Беллакт"?

— На гэта ёсць дзве прычыны. Па-першае, гэта зроблена ў інтарэсах акцыянераў ААТ "Дзятлаўскі сыраробчы завод", паколькі ў выпадку далучэння прадпрыемства з адмоўнымі чыстымі актывамі (якія ёсць у ААТ "Дзятлаўскі сыраробчы завод") усе акцыі далучаемага прадпрыемства анулююцца. Па-другое, нам дастаткова валодаць 25% акцый для таго, каб стварыць холдынг і на практыцы прымяніць усе перавагі такога аб'яднання.

— Якія перавагі атрымаюць акцыянеры і работнікі ААТ "Дзятлаўскі сыраробчы завод"?

— Тыя акцыянеры, якія паспеюць прадаць свае акцыі (нагадаю, што Ваўкавыскаму ААТ "Беллакт" дастаткова набыць 25% акцый) атрымаюць вельмі добрыя выплаты за іх. Мы купляем па цане, якая ў пяць разоў перавышае іх намінальную вартасць. А калі ўлічыць, што акцыянеры ўжо даўно не атрымлівалі дывідэнды, якія не змогуць атрымаць і ў гэтым годзе (паколькі заканадаўства Рэспублікі Беларусь не дазваляе выплачваць дывідэнды пры наяўнасці стратаў мінулых гадоў і калі кошт чыстых актываў акцыянернага таварыства менш сумы яго статутнага фонду), то гэта ў наш час немалыя грошы.

Цяпер мы набываем акцыі не толькі ААТ "Дзятлаўскі сыраробчы завод", але і ААТ "Слонімскія малочныя прадукты", дзе становішча не лепшае, чым на Дзятлаўскім заводзе. Таму пасля аб'яднання названых прадпрыемстваў Ваўкавыскае ААТ "Беллакт" за кошт сваёй тавараправодзячай сеткі ў Рэспубліцы Беларусь і за мяжой, маркетынгавай палітыкі зможа павысіць эфектыўнасць продажу, дабіцца больш высокіх паказчыкаў пры рэалізацыі. За кошт сыравіны мяркуем павялічыць ступень загрузкі магутнасцяў, тым самым забяспечыўшы зніжэнне сабекошту. Згодна нашых разлікаў, гэта дазволіць падняць заработную плату работнікаў ААТ "Дзятлаўскі сыраробчы завод", бо цяпер яна на 50% ніжэйшая, чым у Ваўкавыскім ААТ "Беллакт".

Напрыканцы варта адзначыць, што ўся сусветная эканоміка глабалізуецца, і мы таксама павінны кансалідаваць свае намаганні. Толькі гэта дапаможа нам эфектыўна працаваць і плаціць дастойную заработную плату.

Р.S. Для атрымання кансультацый па пытаннях продажу акцый тэлефон юрыдычнай службы 8-01512-5-23-13.

"Перамога", №28