ДЯТЛОВЩИНА : информационный портал

"… Но что-то своим уловом ты хвалишься слишком речисто.
Правда, я только рыба, но вижу – дело нечисто.
Правила честной ловли разве тебе незнакомы?
В сетях ты заузил ячейки. Сети твои – незаконны!..”
(“Баллада о браконьерстве” Е.Евтушенко.)

Заўсёды былі, ёсць і будуць людзі, якія жадаюць лёгкага ўлову, якім маркотна сядзець з вудаю і чакаць – клюне ці не. Так, трое лідчан лавілі сеткамі рыбу на затоцы ракі Неман ля вёскі Каршакі.

За гэтым прыемным, хоць і забароненым, заняткам іх і заўважыў мясцовы грамадскі інспектар. Мужчына паведаміў пра парушальнікаў у Навагрудскую міжраённую інспекцыю па ахове жывёльнага і расліннага свету.

Сумесна з начальнікам інспекцыі па ахове навакольнага асяроддзя Д. Балькоўскім аператыўная група Навагрудскай МРІ прыбыла на месца браканьерства.

Пры затрымцы адзін з браканьераў адмовіўся даваць тлумачэнні, вёў сябе агрэсіўна, ужываў непрыстойныя словы, а пасля, наогул, аказаў фізічнае супраціўленне. У час разбіральніцтва мужчыне ўдалося збегчы. Зараз яго адшуквае міліцыя.

Перапалоханыя падзельнікі добраахвотна расказалі пра свайго збеглага сябра. Па аказанаму супраціўленню інспектарам матэрыялы перададзены ў пракуратуру Дзятлаўскага раёна.

Што датычыцца браканьерскага ўлову – парушальнікі паспелі вылавіць 8 лінёў, 3 ляшчы і 3 карасі залатыстыя. Матэрыяльны ўрон склаў 75 базавых велічыняў.

Аддзелам ўнутраных справаў Дзятлаўскага райвыканкама па факце незаконнага вылава рыбы узбуджана крымінальная справа.