Культура



Асветнікі славян

У рамках Дзён праваслаўнай духоўнасці шэраг мерапрыемстваў адбыўся ў бібліятэках Дзятлаўшчыны. Так, наведаўшы Дзятлаўскую дзіцячую бібліятэку, дзеці мелі магчымасць азнаёміцца са старонкамі дзіцячай Бібліі.

А ў Дзятлаўскай раённай бібліятэцы для бібліятэкараў раёна адбылося пасяджэнне "круглага стала" па тэме "Аб асветніках славян". Удзел у мерапрыемстве прыняў Благачынны цэркваў Дзятлаўскай акругі, пратаіерэй Мікалай Пінчук. Падрабязна ён расказаў аб жыцці роўнаапостальных братоў Кірыла і Мяфодзія, дзякуючы якім было створана славянскае пісьменства.

А пачалося мерапрыемства з відэапрэзентацыі "Асветнікі славян", якую падрыхтавалі работнікі раённай бібліятэкі. Прысутныя яшчэ раз прыгадалі славутых асветнікаў, чые імёны залатымі літарамі ўпісаны ў гісторыю Беларусі — Ефрасінні Полацкай, Францыска Скарыны, Васіля Цяпінскага, Сымона Буднага.



"Свята танца"

Пад такой назвай у Дзятлаускім раённым доме культуры адбыуся канцэрт дзіцячай сучаснай харэаграфіі.
Яго ўдзельнікамі сталі танцавальныя калектывы "Тапатушкі", " Крок за крокам", "СВІТ". Аб'ядноўвае іх не толькі любоў да танцавальнай стыхіі, але і адзін кіраўнік — работнік раённага Дома культуры Марына Шыкуць.

Можна сказаць, што канцэрт стаў яе своеасаблівай творчай справаздачай. I яна ўдалася.
Сведчылі пра гэта напоўненая глядзельная зала, адкуль апладысментамі віталі кожны нумар у выкананні танцораў: як зусім юных "Тапатушак" і "Крок за крокам", так і ўжо больш дарослых удзельніц ансамбля "СВІТ", шырокі рэпертуар канцэртнай праграмы.



Гучаць "Мелодыі кахання"

Раённы агляд-конкурс дзіцячай эстраднай творчасці Мелодыі кахання ужо стау традыцыйным на Дзятлаўшчыне. Ен дае магчымасиь адкрыць новый таленты і імёны, спрыяе развіццю мастацкай самадзейнасці сярод дзяцей і моладзі.

Сёлета ў конкурснай праграме было заяўлена 60 удзельнікаў. "Пахварэць" за іх прыйшлі бацькі і сябры. Вакальныя дадзеныя канкурсантаў, іх уменне трымацца на сцэне, артыстызм ацэньвала кампетэнтнае журы.

Конкурс праходзіў у некалькіх узроставых намінацыях. У самай "юнай" з іх — узрост 5-8 гадоў — перамогу атрымала Ксенія Шыкуць (Гезгалаўскі яслі-сад). Дыпломам другой ступені ўзнагароджана Паліна Сівава (Наваельнянскі ГДК), дыплом трэцяй ступені атрымала Яўгенія Макарчук (Гезгалаўскі СДК).

 

Музычныя іспыты

У Лідзе адбыўся абласны конкурс імя К. Горскага. Конкурс праходзіў у намінацыях "скрыпка", "духавыя інструменты", спаборнічалі ў ім больш за 30 удзельнікаў. У іх ліку вучні Дзятлаўскай дзіцячай школы мастацтваў. Яны паказалі някепскія вынікі.

У намінацыі "скрыпка" дыпломам 2 ступені адзначана Вольга Лішык. Дыпламантам трэцяй ступені стала Настасся Пазняк. Граматамі за паспяховае выступление адзначаны Юлія Валадашчык, Любоў Вырко. Да удзелу ў конкурсе скрыпачоў рыхтавала выкладчык Дзятлаўскай школы масгацтваў А. В. Шэіна, канцэртмайстар Т. В. Царук.



"Лянок" беларускай творчасці

У другі раз Гезгалаўская дзіцячая школа мастацтваў стала цэнтрам адкрытага рэгіянальнага конкурсу беларускай творчасці "Лянок". Сёлета ўдзел у ім прынялі 70 чалавек з Дзятлаўскага, Слонімскага і Навагрудскага раёнаў. Майстэрства ўдзельнікаў ацэньвала кампетэнтнае журы з выкладчыкаў Лідскага музычнага каледжа мастацтваў.

Натхняльнікам і ініцыятарам гэтага конкурсу з'яўляецца дырэктар Гезгалаўскай школы мастацтваў Вольга Барысаўна Гаўрыш — чалавек творчы, энтузіяст сваёй справы. Менавіта яна ў чарговы раз была прызнана лепшым кіраўніком ансамбля, узнагароджана граматай за якасную падрыхтоўку ўдзельнікаў конкурсу.



На балі ў "Папялушкі"

"Казка пра Новага калабка", "Ля каўчэга ў восем", "Бяда ад пяшчотнага сэрца" — гэтыя пастаноўкі ў выкананні тэатральнай студыі "Мелодыя душы" добра вядомы дзятлаўскім гледачам. Ды і не толькі ім: юныя акцёры неаднаразова з гастролямі былі ў суседніх раёнах.

А 27 сакавіка, як і ўсе тэатральныя калектывы планеты, студыя "Мелодыя душы" адзначыла свой першы Дзень тэатра. Адзначыла ва ўтульнай, па-сапраўднаму сямейнай абстаноўцы, якая сабрала юных акцёраў (а іх каля 50 чалавек). Амаль усе ў свой першы Дзень тэатра яны атрымалі дыпломы і памятныя сувеніры.

Усе разам юныя тэатралы сабраліся на бале ў "Папялушкі". Менавіта пастаноўку гэтага мюзікла "Мелодыя душы" прэзентавала дзятлаўскім гледачам у сваё "прафесійнае" свята. На гадзіну дарослыя і дзеці мелі магчымасць акунуцца ў свет добра вядомай казкі, толькі на сучасны лад. У гэтым свеце гукі старадаўняга паланэза гарманічна перапляліся з цяперашнімі маладзёжнымі рытмамі. Пад іх у суправаджэнні ансамбля "СВІТ" выдатна танцуе казачны Кароль, прысутныя на бале.



"Кніжкін" тыдзень

Сёлетні Тыдзень дзіцячай і юнацкай кнігі ў Казлоўшчынскай гарпасялковай дзіцячай бібліятэцы пачаўся з прыемнай урачыстасці: дыпломамі былі адзначаны лепшыя чытачы 2010 года, а лепшым з лепшых аматараў кнігі стала Ксенія Пякарская.

Адзін з дзён Тыдня быў прымеркаваны да Сусветнага дня вады. Дзеці чыталі вершы, рашалі крыжаванку "Не дай сабе засохнуць", адгадвалі загадкі.



І прыходзіць свята кнігі

Традыцыйна ў час вясновых канікулаў у Дзятлаўскай дзіцячай бібліятэцы праходзіць Тыдзень дзіцячай кнігі. Сёлета на яго адкрыццё ў бібліятэку завітаюць Нязнайка, доктар Айбаліт, Бураціна, каралева Кніга.

Разам з гэтымі літаратурнымі героямі дзеці адправяцца ў падарожжа па вуліцах і парках Кнігаграда, пазнаёмяцца з цікавымі кнігамі пісьменнікаў-юбіляраў 2011 года, прымуць удзел у літаратурных гульнях.

Таксама ў час Тыдня хлопчыкі і дзяўчынкі стануць удзельнікамі музычна-паэтычнага свята "Паэзія дабрыні", прымеркаванага да 105-годдзя з дня нараджэння вядомай дзіцячай паэтэсы Агніі Барто, змогуць дакрануцца да агульначалавечых каштоўнасцяў, прыняўшы ўдзел у літгаратурна-музычным вечары "Будзьце добрымі, чалавечнымі і міласэрнымі".



Не старэюць душой ветэраны

Ужо год пры Дварэцкім сельскім доме культуры працуе клуб ветэранаў "У коле сяброў", які цяпер налічвае 36 чалавек. Тэта — былыя настаўнікі і бібліятэкары, прафсаюзныя работнікі, бухгалтеры, працаўнікі Дварэцкага льнозавода і сельгаскааператыву "Дварэц-Агра".

Нягледзячы на свой пажылы ўзрост, яны па-ранейшаму актыўныя і ініцыятыўныя, поўныя жыццёвага задору і бадзёрасці. Сапраўды, не старэюць душой ветэраны.

У першую чаргу тэта можна сказаць пра Веру Сямёнаўну Сёмуха — старшыню Дварэцкага сельскага савета ветэранаў. Заўсёды актыўная і энергічная, гэтая жанчына сабрала вакол сябе такіх жа аднадумцаў, упэўненых, што пасля пенсіі жыццё толькі пачынаецца, што і ў гэты перыяд яно насычана мноствам яркіх фарбаў.