Культура



Запрашае "Спатканне"

Пры Таркачоўскай сельскай бібліятэцы дзейнічае аматарскае аб'яднанне "Спатканне". Яно аб'ядноўвае людзей, якія цэняць кнігу, у душах якіх гарыць агеньчык натхнення.

Сёлета аб'яднанне правяло мерапрыемствы "Зорка Панямоння" (да 135-годдзя з Дня нараджэння Цёткі), "Здароўе без лекаў", "Маміна свята", "Каб восень была залатой" (прымеркаванае да Дня пажылых людзей).



Навіны культуры - 86

"ЗАЙГРАЙЦЕ, МУЗЫКІ"

Нядаўна ў Лідзе прайшоў сёмы абласны фестываль народнай музыкі "Зайграйце, музыкі". Удзел у ім прынялі і артысты Дзятлаўшчыны — калектыў народнага танца "Плясавая", народны ансамбль музыкі і песні "Ятранка". Яны адзначаны дыпломам "За папулярызацыю беларускай музыкі і высокае выканальніцкае майстэрства".

ПАД СУЧАСНЫЯ РЫТМЫ

Бадзёрая музыка, добры настрой, сучасныя рытмы — усё гэта прапануе клуб "House", які з 8 кастрычніка пачаў працаваць у Наваельнянскім гарадскім доме культуры. На дыскатэках, якія праводзяцца па суботах, могуць адпачыць як дзеці, так і дарослыя. Вядуць дыскатэкі мінскія дзіджэі — DAVIDoff i DJ MAZzAY.



"На крылах творчасці"

Пад такім дэвізам у Днепрапятроўску праходзіў трэці Усеўкраінскі фестываль творчасці людзей з абмежаванымі магчымасцямі, удзел у якім прынялі і грамадскія арганізацыі інвалідаў Рэспублікі Беларусь. На фестываль былі запрошаны і прадстаўнікі Дзятлаўскай раённай арганізацыі інвалідаў.

Фестываль праходзіў у два туры. Першы — праслухоўванне ўсіх удзельнікаў, якія падалі заяўкі, другі — гала-канцэрт і выстава творчасці людзей з абмежаванымі магчымасцямі.

Удзельнікі мерапрыемства адчувалі хваляванне. Аднак усе цяжкасці былі пераадолены, усе ўдзельнікі атрымалі дыпломы лаўрэатаў фестывалю.



"Культурныя" навіны

ГАСТРОЛІ Ў НАВАГРУДКУ

Нядаўна 500-годдзе прыняцця Магдэбургскага права адзначыў Навагрудак. 3 гэтай нагоды ў горадзе прайшоў шэраг святочных мерапрыемстваў. Удзел у іх прынялі і артысты Дзятлаўшчыны — ансамбль народнай музыкі і песні "Ятранка", якім кіруе Ганна Панько.

"ГАМОНЯЦЬ ПУШЧЫ БЕЛАРУСКІЯ"

Пад такой назвай 25 верасня ў Свіслачы адбудзецца экалагічнае свята. Удзел у ім прымуць майстры народнай творчасці Дзятлаўшчыны, ансамбль народнай музыкі і песні "Ятранка", работнікі Дварэцкага сельскага дома культуры.



"Наваельня пад крыламі сосен"

Пад такой назвай прайшло сёлетняе свята гарадскога пасёлка Наваельня. Распачалося мерапрыемства з выступления народнага духавога аркестра. Затым вядучыя свята Наталля Нагорная і Галіна Сушко запрасілі на сцэну старшыню мясцовага выканкама Ірыну Іванаўну Кунахавец. Яна павіншавала жыхароў пасёлка, пажадала ім здароўя, бадзёрасці.

У час свята былі ўшанаваны лепшыя працаўнікі, чые прозвішчы занесены на мясцовую дошку Гонару. Гэта — старэйшая медыцынская сястра Рэспубліканскай туберкулёзнай бальніцы Наваельня Наталля Глоцька, грузчык ААТ "Дзятлаўская экспартна-сартавальная база" Мечыслаў Кастусік, апаратчыца Наваельнянскага камбіната хлебапрадуктаў Ніна Грыб, бухгалтер Наваельнянскай міжрайсельгасхіміі Наталля Анушкевіч, педагог-арганізатар Наваельнянскай сярэдняй школы Алена Гарановіч.



"Я б хацеў cпаткацца з Вамі"

Сёлета спаўняецца 120 гадоў з дня нараджэння класіка беларускай літаратуры Максіма Багдановіча. 3 4 па 11 верасня ў Дзятлаўскай цэнтральнай раённай бібліятэцы адбудзецца тыдзень, прысвечаны памяці знакамітага беларускага паэта, празаіка, цудоўнага перакладчыка, удумлівага крытыка, публіцыста. Яго літаратурная спадчына стала каштоўным набыткам не толькі беларускай, але і сусветнай духоўнай культуры.

Будучы паэт нарадзіўся ў 1981 годзе ў сям'і Адама і Марыі Багдановічаў — культурных і адукаваных людзей. Бацька быў настаўнікам, займаўся збіраннем і вывучэннем беларускага фальклору, этнаграфіі. Маці таксама была высокай культуры жанчынай.



Даніна памяці продкам

Ужо не адзін год у нашай рэспубліцы адзначаецца свята пісьменства і друку — як даніна памяці славутым продкам зямлі беларускай.

Шырока адзначыць гэты дзень і Дзятлаўская дзіцячая бібліятэка. Пачатак свята будзе прымеркаваны да пачатку навучальнага года. Адлік мерапрыемстваў пачне інфармацыйная гадзіна "Святая заступніца Беларусі". Зацікавіць маленькіх чытачоў відэаўрок "Францыск Скарына, або як да нас прыйшла кніга".



Дарылі песні вяскоўцам

На працягу ліпеня-жніўня работнікі Казлоўшчынскага дома культуры шчырымі пажаданнямі і добрымі песнямі віталі жыхароў аддаленых вёсак. Гасцінна сустрэў артыстаў падворак Дар'і Сямёнаўны Павачкі ў вёсцы Малая Воля. Спевакі і вядучыя шчыра жадалі яе жыхарам шчасця і здароўя.

Удзельнікі ансамбля народнай песні "Зараначка" не адзін раз выходзілі на "біс". Эстафету падхапіла вёска Дубароўшчына. Ад канцэрта атрымалі асалоду не толькі жыхары гэтай вёскі, але і артысты, якія былі ўражаны цёплым прыёмам. I за гэта яны выказваюць вялікую падзяку старасце вёскі Ядвізе Бенядзіктаўне Чудзілоўскай, сям'і Аліны Вацлаваўны Альшэўскай.



Культурныя мерапрыемствы

"КАЛЯРОВЫЯ СНЫ ЭКОЛЬ"

Тэатральная студыя "Дасканалы свет" рыхтуе пастаноўку дзіцячага мюзікла "Каляровыя сны Эколь". Яго прэм'ера адбудзецца 1 верасня ў Дзятлаўскім раённым доме культуры.

Новы мюзікл, які дэманструе тэатральная студыя, раскажа гледачам гісторыю дзяўчынкі Эколь, якая прыязджае ў новы горад, знаёміцца з новымі сябрамі. Многія з іх з'яўляюцца прадстаўнікамі цяперашкіх маладзёжных субкультур.



Радавалі песняй вяскоўцаў

Нядаўна артысты Лапушанскага і Данілавіцкага сельскіх дамоў культуры з канцэртнай праграмай выступілі ў вёсцы Уланаўшчына. Яны спявалі задушэўныя песні, расказвалі цікавыя гісторыі, адным словам — дарылі добры настрой жыхарам вёскі.

За такі прыемны падарунак вялікі дзякуй старшыні Данілавіцкага сельскага Савета І. Тарасевіч, работнікам культуры Д. Аблажэй, С. Шалеснай.

За выдзяленне транспарту артыстам выказваем удзячнасць кіраўніцтву СВК "Граніт-Агра".