Культура



"Мая песня ў маім сэрцы"

У Дзятлаўскім раённым доме культуры адбыўся традыцыйны конкурс патрыятычнай песні "Мая песня ў маім сэрцы". Сёлета ўдзел у ім прынялі 24 канкурсанты. Іх вакальнае майстэрства ацэньвала кампетэнтнае журы на чале з начальнікам аддзела ідэалагічнай работы райвыканкама М. Мацюкевічам.

Конкурс праходзіў у пяці намінацыях: саліст узроставай трупы ад 18 гадоў, саліст 14-17 гадоў, вакальная група, аўтарская песня, харавы калектыў.



І ажывае свет казкі

Тэатральная студыя "Мелодыя душы", якую ўзначальвае Іван Іванавіч Каско, дзейнічае пры Дзятлаўскім раённым доме культуры ўжо на працягу трох гадоў. Гісторыя студыі пачыналася з драматычнага гуртка "Вертеп", удзельнікі якога спрабавалі свае акцёрскія здольнасці ў невялікіх інтэрмедыях. Цяпер тэатральная студыя працуеў жанры моднага сёння мюзікла, які спалучае песню, танец, драматычную дзею.

Усяму гэтаму вучацца 27 юных акцёраў, якія наведваюць студыю. Яны збіраюцца разам два разы на тыдзень, каб азнаёміцца з новай роляй, "прагнаць" яе, каб дасканала падрыхтавацца да паказу чарговай прэм'еры. Апошняя з іх — мюзікл па матывах казак Аляксандра Пушкіна "Цуды ў Лукамор'і".



Новыя таленты шчыра запрашае арт-кафэ

Арганізацыя адпачынку — галоўная задача ўстановаў культуры. Як яна вырашаецца? Якія планы і перспектывы культурнай дзейнасці? Гэтыя пытанні сталі тэмай размовы карэспандэнткі газеты з Аляксеем Клімовічам, дырэктарам Дзятлаўскага раённага дома культуры.

— Аляксей, у культуры вы чалавек новы. Таму на пачатку раскажыце крыху пра сябе.
— Я ўраджэнец Ліды. Пасля заканчэння школы паступіў і скончыў Мінскі інстытут парламентарызму і прадпрымальніцтва, атрымаў спецыяльнасць палітолага-юрыста. Аднак так склалася, што працоўную дзейнасць сваю пачынаў сацыяльным педагогам у Лідскім каледжы. Затым працаваў намеснікам старшыні па ідэалогіі СВК "Бердаўка". Цяпер асвойваю сферу культуры, у якой, дарэчы, працуе і мой брат Дзяніс. Ён кіраўнік духавога аркестра "Акцэнт", дырэктар Наваельнянскай дзіцячай школы мастацтваў.



Гучыць мелодыя "Родника"

Невычэрпная крыніца натхнення і творчага запалу — такое сэнсавае напаўненне мае назва мастацкага калектыву "Родник", які з'яўляецца своеасаблівай творчай візітоўкай санаторыя "Радон", што на Дзятлаўшчыне. Адметна тое, што ўдзельнікамі мастацкай самадзейнасці з'яўляюцца работнікі гэтай установы аховы здароўя — людзі, якія валодаюць выдатнымі галасамі, сцэнічным талентам.

— Адпачынак — немалаважная частка курортнай праграмы для людзей, якія прыязджаюць у "Радон", — гаворыць адзін з удзельнікаў "Родника", намеснік дырэктара па санаторна-куротным лячэнні і аздараўленні дзяцей Сяргей Вырко. — Гэтае пытанне вырашаюць работнікі аддзела культуры санаторыя. Для адпачывальнікаў арганізоўваюцца канцэрты беларускіх і расійскіх зорак эстрады, народных калектываў, творчыя вечары вядомых паэтаў і кампазітараў.



Канцэртная праграма вучняў нядзельнай школы

9 студзеня ў Дзятлаўскім раённым доме культуры адбыўся калядны канцэрт. Яго падрыхтавалі вучні нядзельнай школы, якая дзейнічае пры храме Прэабражэння Гасподня г. Дзятлава.



Сустрэча з літаратарамі

Сёлета адзначаецца 120-годдзе з дня нараджэння класіка беларускай літаратуры Максіма Багдановіча. Яго постаці, вывучэнню творчай спадчыны прысвечаны шэраг даследчых работ. У свет выйшла і яшчэ адна кніга аб паэце — "Максім Багдановіч: вядомы і невядомы".



"Тут уся мая душа"

Пад такой назван у Дзятлаўскім раённым доме культуры адбыўся творчы вечар паэткі Веры Хрышчановіч. На мерапрыемства сабраліся знаёмыя Веры Ігнацьеўны, сябры, родным, прыхільнікі яе творчасці. Яе вынікам сталі два зборнікі паэзіі "Дорогой жизни" і "Тут уся мая душа", прэзентацыя якіх прайшла ў час вечара.

3 гэтай знакавай падзеяй Веру Ігнацьеўну павіншавалі загадчыца аддзела абслугоўвання раённай
бібліятэкі Л. Шыцько, прыхаджане храма в. Нагародавічы, прадстаўнікі Гезгалаўскай гімназіі, метадыст Дзятлаўскага раённага метадычнага цэнтра аддзела культуры Т. Янушкевіч, былы метадыст I. Маскаль, жыхарка Гезгалаў С. Крэйдзіч, калега па літаратурным аб'яднанні "Пралескі" Л. Юргілевіч.



Кнігі для цікаўных

Кожны наведвальнік Дзятлаўскай дзіцячай бібліятэкі можа знайсці тыя кнігі, якія яму даспадобы. У ліку іх — шмат навінак пазнавальнай літаратуры.

"Вялікая дзіцячая энцыклапедыя" змяшчае разнастайную інфармацыю аб жывёлах, краінах свету, прыродных з'явах, вялікіх вынаходніках і шмат іншых цікавых звестак.

У кнізе "Краіны свету" змешчана інфармацыя аб краінах, іх насельніцтве і гісторыі, клімаце. Ёсць характарыстыка сацыяльна-эканамічнага становішча.

Выданне "Жывая планета" складаецца з раздзелаў "Свет жывой прыроды", "Расліны", "Жывёлы", "Экалогія". Артыкулы распавядаюць аб паходжанні жыцця на зямлі, жывёльным і раслінным свеце, біясферы.



Пад загадкавай назвай "Бастэт"

У пантэоне старажытнаегіпецкіх багоў гэтае імя мела багіня радасці і кахання, урадлівасці і дамашняга ачагу. Егіпцяне ўвасаблялі яе ў выглядзе кошкі або жанчыны з галавой кошкі. Напэўна, менавіта такія ўяўленні былі ў старажытных егіпцян аб жаночай прыгажосці. Дарэчы, яе ахоўніцай зноў жа з'яўлялася багіня Бастэт, неад'емным атрыбутам якой быў музычны інструмент сістр.

Праз многія тысячагоддзі загадкавае імя старажытнай багіні стала назвай музычнага калектыву, удзельніцамі якога з'яўляюцца чатыры прыгожыя дзяўчыны. Сваей творчасцю, маладым задорам яны дораць гледачу пазітыўны настрой, адпачынак для душы.



"Панямоння жыватворныя крыніцы"

У Дзятлаўскім раённым доме культуры адбыўся абласны занальны фестываль фальклору "Панямоння жыватворныя крыніцы". Адборачны тур сабраў захавальнікаў народнай творчасці з Іўеўскага, Карэліцкага, Навагрудскага і Дзятлаўскага раёнаў.

У час фестывалю гучалі народныя песні, легенды і паданні, былі паказаны абрады, танцы і гульні. Так, напрыклад, гульню "патопкі" (від абутку, які нагадвае лапці) прадэманстравалі артысты Навагрудчыны. У іх выкананні прагучала і прыгожая легенда аб кветках-царах, якія растуць на берегах возера Свіцязь. Згодна з легендай, тут некалі стаяў горад, дзе жылі самыя смелыя мужчыны і самьія прыгожыя жанчыны. Аднойчы на горад напаў моцны вораг, усе мужчыны былі знішчаны. Жанчыны са шчырай малітвай звярнуліся да нябёсаў з просьбай уратаваць іх ад ганьбы. Раптам над горадам з'явіўся туман, з якога выйшаў Архангел Міхаіл. Ён супакоіў жанчын, паабяцаў ім вечнае жыццё. Яны ператварыліся ў кветкі, а горад — у возера, якое цяпер з'яўляецца ўлюбёным месцам адпачынку моладзі. Толькі кажуць, што маладыя галасы, задор прыцягваюць увагу Свіцязянкі, якую раз-пораз можна убачьщь у покрыве туману, што паўстае над возерам, пачуць яе голас. Усё гэта знікае толькі з першымі промнямі сонца. Так апавядае легенда, якую расказалі ўдзельнікі фестывалю з Карэліцкага раёна.